LA INTELIXENCIA YE LA NATURALEZA QUE S'ESAMINA A SI MESMA

Solo la intelixencia esamínase a si mesma. La piedra caye ensin saber la sua cayída, el rayu chamusca y espachuca, ignorando la sua xixa; la fror nada sabe de la sua encantadora fermosura, el zamarru animal sigue los sous instintos, ensin perguntase la razón d’ellos, solo l’home, esa débil organización qu’apaez nun momentu sobre la tierra pa esmoronase después en polvu, abriga un espíritu que, depués d’abarcar el mundu, ansía por comprendese, zarrándose ensí mesmu, ellí drento, cumo nun santuariu onde él mesmu ye a un tiempu, oráculo y consultor.

Quién soi, qué fagóu, qué pescudo, por qué pescudo, cumo pescudo, qué son esos fenómenos que esperimento en mí, por qué estoi enratáu a ellos, cuál ye la sua causa, cuál l’orden que se producen, cuáles las suas rellaciones: he equí lo que se pergunta’l espíritu; esas nobles, sublimes, perennes interrogantes de qué hai drento en nós, dalgo superior a un material inerte, que ye solo capaz de recebir movimientu y variedá de formas.

Hai dalgo que la mesma naturaleza que ofrez la imaxen de una actividá infinita que sacóu al mundu de la nada con un solo actu de la sua voluntá.