VILAR SECO, NA FERIA DE LAS SENARAS
En xeneral, todu estaba abondo bien, con un buen
ambiente rural, observa si estaba bien conserváu, que tenían tres charices,
colos sous llavaderos, dous d’ellos con teyáu y unu al aire llibre. Todu esto, anque
nun lu cuides, ye mui raru, en muchas aldeyas, por nun dicir la mayoría, los arroñaron,
cuando escomenzóu l’augua corriente, y nun s’usaban, p’acabar estrozándolos.
Entovía equí los tenían abondo bien llucíos.
Eso si, lu de las ilesias, tenías duas, una pequeiña y
outra más grandica, bien cerca una d’outra, pos si n’España hai muchu
catolicismu, en Pertual nun te digo. Y a cada poucos pasos, capillas cola
Fátima, menudos pesaos son, con esta pantasmada, qu’está bien estudiada y bien
estenu que l’apaición de Fátima fui nun momentu en que s’acababa d’aproclamar la
repúbrica a escomienzos del siglú XX, y la Ilesia tremaba. Y cumo dicía una
periodista Nieves Cuncustrina, apaeciú la virxe a unos neños pastores qu’envede
saciales la fame de comida y conocencia, esmedrentábales con cuentos y de la
sua fin del mundu.
Equí l’aparcelamientu nun se fizou, y sigue’l
minifundismu muy enraigáu, con unos paisaxes preciosos de castañales, olivales,
viñas, nabos, plaos con vacas y ouveyas, todu bien cercaos con fincones, en
cortinas.
Depués del baille, llegóu’l momentu del amagüestu, con
unas buenas castañas bien asadicas en llumbre, tostábanse nunas estreldes
enratadas con unas llares, que se vaceaban entre fueyas de nabos y sal. Nesta
celebración, todu bañábase con un ricu aguardiente que colos cánticos,
animábase’l cuerpu y la mente.
Ye d’agradecer esfrutar d’esta crase de fiestas, lu
bonitas que son, senciellas y populares ensin grandes esparabanes.
Comentários