LOS MÁS RAPACES COMBATIENTES.

“Os Mais Jovens Combatentes”. Los más rapaces combatientes.

Este llibru, nun pué dicise que ye un llibru de memorias, anque dalgo d’ello tien. Yá que’l outor Jose María Monteiro vivióu parte de lo que fui las guerras coloniales d’Ultramar de Pertual, onde escomenzaba a nacer unas nuevas naciones, precipalmente n’Africa, cumo Guinea-Bissau, Mozámbique y antetodu la más dolorosa, l’ayalga del imperiu: Angola.

Estos tesouros que apañóu nel siglu Decinueve fueron l’enrecuerdu de todu aquello que fui perdiendo a lo llargu de los siglos n’América, mas estas colonias n’Africa nun fueron cualisquier filfa, pos estos territorios, especialmente Angola, son bien ricos en materias primas y agroalimentación.

Una reflexón que si parez bien crara, los puebros africanos tardaron bien d’años en criar griesca para conseguir la independencia, pos escomenzaron nos años Sesenta los alzamientos rebeldes, yá bien pasada la Segunda Guerra Mundial, eso da bien entender que la conciencia nacionalista d’estos territorios tardóu n’enxendrase y ontavía más n’organizase en movimientos populares-guerrilleiros.

Ye verdá, y asína bien queida estenu, que la pobración orixinaria estaba dividída, pos l’alministración de cualisquier colonia precisa del sobrizu popular que participa n’él, y ser también favorecíu pol ocupante. Y asina, siempre hubo efectivos na alministración civil, militar y policial, anque los altos cargos fueran pertueses. Polo que tolas guerras d’independencia, dalgún xeitu, son también guerras civiles.

Tampouco debemos esqueicer que los bandos contrincantes estaban formaos por campusinos, africanos y pertueses, los primeiros en rebeldía, porque dicían buscar la llibertá y el desendolque económicu y social, y los segundos diban convencíos ou escravos por un mensaxe de grandeza y patriotismu.

Si nos tiempos de la Edá Media, la caballería yera la vanguardia guerrera de conquista, dende la Edá Moderna, el mar, l’armada yerá la vanguardia, pos cumo bien repica l’escritor, los marineiros fueron los primeiros en llegar y los últimos en marchar. Estas fuerzas armadas son los que criaron los imperios y la mundialización, yá que dende un requeixu d’Europa se llegaba a cualisquier llugar y a partir d’ellí, conquistalu.

Entovía sigue siendo asina, controlar el mar ye l’escomienzu pa mandonguiar el mundo, y mira qu’hai fuercias aeroespaciales, mas el mercáu internacional sigue siendo mayormente marítimu, y de la economía sobrízase la guerra.

Nas guerras de guerrillas todu servía, pos l’exercitu pertués entraban nas fronteiras vecinas p’atacar los campamentos guerrilleiros. Estos también usaban mayor y meyor tecnoloxía que cuidaban que podían apañar mayores y meyores victorias, mas la rialidá fui, qu’ante cualisquier avance del exercitu, el conocimientu terrenu facía que los guerrilleiros esapaecían ante’l ataque y volvía aparecer, polo que’l gastu de recursos fízose insostenible a una Pertual ensin desendolcar. Nun hubo grandes batallas, anque si, muchas víctimas.

Por esgracia, gracias a estas guerras acabaron con una dictadura, con un exercitu subleváu n’Europa, mientras que las Colonias apañaron la independencia, y con ella, otras nuevas guerras civiles, inmersas na guerra fría.

Dalguna maneira, con este testimoniu, l’escritor amuestra murnia por un esplendor imperial, anque nun lu quiera confesar.