LA FILOSOFÍA EN CHOLAS
Esto va dedicáu al llibru “Hestoria de la Filosofía” y
al sou outor unu de los más importantes escritores de lliteratura española y
precipalmente d’asturllionés na sua variante occidental, Roberto González-Quevedo.
Esta obra ye un compendiu gayoleru y a la vez bien
interesante de lo que ye la filosofía, especialmente una hestoria del amor a la
sabiduría, de cúmo a lo llargu de la vida d’este planeta siempre’l home quiso
conocer, siempre quiso interpretar el mundu, la sociedá, la naturaleza, el
sentíu de la vida, la muerte y el sufrimientu. Empuntiándose a la verdá, con
más o menos aciertu, interesada ou desinteresadamente según la condición
social-económica que defienda.
Ye un gran llibru que fui mui agradable de llier,
especialmente la filosofía griega y helenística. Mui incitante nas vidas de todos
aquellos que fueron apurriaos polos poderes, yá que estos nun buscaban más que xustificase,
y nun querían que naide pudiera nin minimamente plasmar dudas sobre la
interpretación de la realidá, talu ye’l casu de Socrates hasta los señalaos
polas inquisiciones.
Una cousa bien d’agradecer, ye la facilidá de llierlu
también gracias al tamañu de la lletra, bien grandica y aspaciosa pa esfrutala.
Una pena que nun afondara más nas filosofías
orientales y viérase cierta prexuiciu escontra cierta ideoloxía, qu’agora nun
vien a cuentu, mencionar.
Sobre Hegel, que contar, ye la parte que me fui
intragable de comprender, seguramente pola mia incapacidá d’entendelu y lo
difícil d’esplicalu comprensivamente.
Escrebir sobre filósofos asturianos del Siglu XX, nun
ye mui xeneral nos manuales, polo que ye un excepción d’agradecer y valorar.
“El Piechu” qu’acaba’l llibru, amuestra la riqueza de
conocimientos y adaptación d’estos al puebru.
Escrebiú esta “Hestoria de la Filosofía” en
asturllionés central. ¿Una posibilidá perdida d’ensalzar l’asturllionés
occidental? Sicasi si, sicasi non, mas resultamente amuestra popular y
academicamente qu’esta llingua, cumo muchos sabíamos, sirve pa todu. Dende lo
más tradicional hasta lo más universitariu.
Aprovechóu con toda razón, enrecordar a sua madre Eva
González, yá fallecida, una gran poetisa de la nuesa cultura.
Comentários