A JOAN COMORERA, CUANDO UN LIDER YE ABORRECÍU

Seguramente será unu de los líderes políticos más esqueicíos. Seguramente hai deseyos políticos polos que poucos lu enrecuerdan.

Del llibru recién editáu, de la editorial Templando el Acero, col título “La revolución plantea a la clase obrera el problema del poder político”, que ye un recopilación escoyida d’artículos que fizóu especialmente nos años 30, cuando yera el Secretariu xeneral d’un partíu nacederu, recién construyíu, cumo el PSUC (Partíu Socialista Unificáu de Cataluña) cumo uñión de diferientes partíos socialistas y comunistas de Cataluña que por necesidá d’actuar ante un golpe d’Estáu fascista, asobiáronse de sopitu.

Él yá venía d’una hestoria de griesca socialista tanto drento de Cataluña cumo nel esiliu, encabezóu una organización decisiva pa facer frente al Exercitu golpista cumo también voceiru d’entredito ante la peligrosa rebelión de Mayu del 37 en Barcelona.

Siempre buscóu nos sous discursos y artículos uñidá ante’l imperialismu exterior y escontra’l fascismu de las xixas capitalistas y aristocracia -civil y relixosa- del interior, polo que continuamente clamiaba escontra los mandonguíos de los faistas y del POUM que nun s’esbravaban p’atacar a los verdadeiros ñemigos del momentu, y mas criaban problemas nel conflictu.

Craramente, la guerra civil fui una guerra de resistencia antifascista y antiimperialista. Eso túvelu bien craru Joan Comorera, por eso, fui vencíu y entoñáu na memoria pola hestoria que dictan los vencedores.

Mas, esgraciadamente, también fui entumbiáu polos que se cuidaban que yeran compañeiros, harmanos de griesca comunista por una repúbrica popular de trabayadores. Estos refugáronlu con inquina y engaluchamientos, y equí está precipalmente l’actualidá del sou pensamientu y vida. Sintiú, observóu y viviú nas propias chichas l’escomienzu la traición a la repúbrica pola que tantos obreiros, tantas vidas de tantas personas sofrieron y murrienon.

Por todo esto, nadie lu amiente, porque él muchu más rápidu que muchos outros, azañóu contra onde viraba el Partíu Comunista d’España nos 40.

Mas siempre queda la sua obra, esas palabras que s’aprovañan cumo las vides, pa renacer bacillar, un preciosu viñalgu.