L'INDIVIDUALISMU AL SERVICIU DE LA MURNIA

Col individualismu, remembro obras cumo 1984 d’Orwell ou Un Mundu feliz, nel que falan de sociedades cuyos habitantes nun son trataos cumo individuos colas suas características personales, sinon la sua personalidá ye despreciada, nenguniada pol Estáu, la burocracia y la sociedá, que nun tien sentimientos.

Que obras más falsarias, rialmente l’individualismu está anguaño basau nel consumismu, na economía de mercáu, cola careta del esfrute personal, individual, en base al poder adquisitivu, a la riqueza de cadaun.

Ensin pescudar no colectivu, lo comunal, estamos faciéndonos esclavos, del nuesu propiu egu, y este al serviciu del diñeiru pa conseguir la felicidá propia a traviés del consumu propiu. Todu esto, impunemente mandonguiau pol Estaú y la sua burocracia, qu’usa las tecnoloxías de la comunicación y propaganda.

Estas redes y tecnoloxías de la comunicación furrulan cumo antenas qu’apañan datos pa conocer las opiniones púbricas y saber reaccionar con prevención, a tiempu, ante posibres manifestaciones populares y democráticas.