CUANDO HAI MIEDU AL DESAMPARU

Na cuestión del ideyalismu, tolas suas variantes, tienen una base común, más o menos amplia, mas rialmente hai muchas variedades del ideyalismu, y lluchar escontra cada una d’ellas, ye una xeira mui llarga y poucu gratificante, pos se van mudando según le convien, p’afianzar el sou poder de influencia.

Y ye qu’el home, precisa pola sua esencia, polos miedos que sofre y que nun sabe combatir y asumir, cumo la muerte, el sufrimientu, el sentíu de la vida, repuña dalgu que le gratifique y consuele, y neso está l’ideyalismu, y las suas relixones.

Agora, anque’l catolicismu, col tol sou poder económicu y políticu, estéi abondo despreciau, outras variedades relixosas van afianzándose, pos muchas d’ellas, crían grupu, colectivu, uñión, cercanía, ante la sociedá cadavé más individualista. Y este individualismu, cria miedos de desamparu social.