VOX, ENRATANDO AL PUEBRU CON ESPANTAYOS.

Nas elecciones andaluzas está bien craru que quienes perdieron de verdá, muchu más qu’el PSOE, ye UNIDOS PODEMOS, especialmente na sua ala esquierdista, nun oficial de los Pablistas, eso amuestra craramente qu’este partíu yá poucu engalucha pa ser alternativa. Esta ala esquierdista cuidaba que podía animar al personal cola sua gayola social, ese personal que va marchando, afuyendo d’esta maquinaria electoral.

Yá nin saltan el cielu nin atacan la casta, y prefieren congraciase col imperialismu armamentísticu arabe-saudita.

Son un globu arreventau, enantes d’estar talmente atacañau.

Mientras el partíu de l’ABSTENCIÓN crez, y ye’l mayoritariu, mas le falta ser programa alternativu, por eso, el réxime del 78, herederu del golpismu de 1936 avocia continuamente pa meter miedu, con que vien la ultradereicha de VOX.

Con VOX, quieren esvistar l’atención, cumo’l cuentu del pastor qu’avisaba con que venía’l llobu, ¡Que vien el llobu! Y la rialidá ye qu’el llobú yá está equí, el monarcofascismu. Y votar, solo ampáralos.

Atafañan al verdadeiru llobu, enratando al puebru con espantayos.