FACEBOOK NEL CONTROL SOCIAL.

Cadavé se conoz más cumo furrula esta corporación, que ruchóu d’improvisu y crecióu espectacularmente dende una Universidá estadounidense.

Las informaciones guipan qu’hai muchu muladal entoñau, y nun se pué llevantar las faldillas del braseru porque cheira. Acuchase nél, ye una opción pa nun atufase, pos si mira unu porbaxu, atopa a un Estáu estadounidense que lu financiú y fomentóu pa espiar a la pobración del mundu, y uñíu a esto, engaluchala.

Y depués dicen na Televisión que China nun ye democráticu, porque nun premiten a la pobración conectase a facebook, craru está, al Estáu chinu nun le gustan los cuzos folasteros.

Este rede social ye’l radar que apaecía nel cómic y film de V de Vendetta, a traviés del cual, el facismu conocía cuales yeran las cirrias ideolóxicas de la pobración, pa poder retolicar con priesa y efectividá.