Hai un
llibru bien interesante, qu’aberrunto que puedes llier con muchu
agrado.
Este llibru
“Caminhos del Demonho”, presentóuse n’Urrós (Ruolos en
mirandés), nuna aldeya del conceyu de Mogadouro, onde s’amuestra
una buena riestra de testimonios históricos y vivenciales sobre la
emigración clandestina de campusinos, rapaces pertueses, neste casu
de los conceyos de Mogadouro, Miranda del Douro y Bumiosu contra
Francia.
Esta
emigración fuí masiva na península, mas ellí en Pertual, yeran
apurríos con pena de cárcel y multa, tanto los emigrantes cumo los
pasadores y intermediarios, y tenían de saltar la raya contra España
de noche, andando ou en barca pol riu Duero.
Los
pasadores tenían que s’amouchar y pispiar a la Guardia Nacional,
aparentando que trabayaban de día, pa nun dar aberruntos. Y on
asina, endilgánbanlos, mas prencipalmente porque había siempre
dalguien que por gulisas ou polos sous propios intereses,
chiflábanse. La guardia citábanlos en Porto, maltrábanlos ou
torturaban, y encarcelaban por dictamen xudicial, pasándose inclusu
años drentu, si la familia nun podía pagar la multa. Yera un
negociu pal Estau.
Estos
pasadores llevaban a los emigrantes a una casa de contactu,
normalmente na provincia de Zamora, y dende ellí, pasaban la noche
ellí y marchaban en futingu, esoutro dia (había taxistas pertueses
ou españoles que se prestaban a eso) hasta Francia a traviés de
Irún, pero arrodiando, pos pa entrar
más discretamente, diban por Asturies, nun diban a peto hasta ellí.
Yá pasando
la fronteira de Francia, yera más fácil apañar trabayu, na
construcción, nel campu, y tramitar los papeles, y poder vesitar el
llugar d’orixen nun par d’años.
Hai un
llibru bien interesante, qu’aberrunto que puedes llier con muchu
agrado.
Comentários