EL MIEDU A LA SOLIDARIDÁ
Quiero enrecordate que cadavé hai más y más procesos y
procesaos na Audiencia Nacional, que son consideraos “terroristas”.
Oserva, cumo en Cataluña, por chiscar la fotu del rei, apresáronlos
y lleváronlos a Madrid.
A los títeres de la Cachiporra, por mostrar una obra de
Lorca, encarceláronlos, con todu crase de pubricidá y escarmientu televisivu.
Lo llamativu d’agora, ye qu’estos de la CUP (Candidatura Unidad Popular), que
rompiú las semeyas del rei y outros las chamuscóu, están siendo procesaos en
silenciu, nun se siente casi nada pola prensa.
Bien estenu está, que la predicación de todu procesu
represivu escontra ellos, da cumo efectu, mucha solidaridá política, dalgo que
nun quier l’Estau nin la Generalitat, pos amás, el conseyeru de la policía autonómica
quierenlo cesar. Con toda razón, much fala los del Junts Pel Si de la "DESCONEXIÓN", mas na hora de la verdá, sigue obedeciendo al “tribunal franquista”
Audiencia Nacional, ordenando a los Mosos pa apresalos y mandalos a Madrid.
Nun tienen nin escusa, por muchu que diga que sólo obedece
al poder xudicial, cumo si esti fuera neutral y oxetivu.
La Audiencia Nacional cadavé se la siente más y más nos
medios, tien cadavé más presencia y más importancia, y mira que la mayoría de
la represión política está siendo reprimida a base de multas alministrativas,
siendo estas rialmente abusivas y arbitrarias.
Comentários