LA FORMACIÓN YE TOTALMENTE NECESARIA

Nun mundu en crisis que tanto está mudando continuamente n'apariencia.
Que dia tres dia, sácannos cadavé más debates pa facenos reflexonar sobre axustes, detremeníos de la economía, feichas polos diferientes gobiernos ou pol descontrol del mercau llaboral ou presupuestaria.
Con tantu baburio y changarriadas, vuélvennos chavetos, y tresformámonos en moños que nos chacullan como quieren .
Eso consíguenlo por una pobración con escasa cultura política obreira, vivimos nun momentu nel que los trabayadores están convencidos pola cultura burguesa, y poro pasa que nun entienden los recortes, cuidan que son cuestiones momentaneas, caprichosas del burócrata de turnu, que nun son perdas de dereichos, ou son ringondangos innecesarios.
Nun pescudan las causas de todu esto.
Cantusámonos en frases y discursos tuntuniaos tolos dias.
Escontra esto, vése craramente la necesidá de lleer y escuchar a los expertos que dende va tiempu, explícanos las verdadeiras causas, y el porqué tolo esto.
Estas personas entendieron comu furrulaba dende'l S.XIX el sistema que nos manda, el CAPITALISMU.
Ellos colos sous estudios serios, ensin charruncar, ensiñan a quien quiere deprender.
Ensin aturriar, amuéstranos el mecanismu d'este sistema.
Nun nos quieren ver entrefuscaos.
Ellos saben que conociendo la verdá, apañaremos la nuesa lliberación.
La ciencia aplicada al socialismu ye'l caminu.
Este entamaronlu Marx, Engels, Lenin.
Atendamos agora.