LA SUMANA SANTA, EL FASCISMU NAS CALEYAS.
LA SUMANA SANTA, EL FASCISMU NAS CALEYAS.
Llueu, vien la Sumana Santa, ou comu dicen en Portugal PASCOA.
Tiénenos apeñusgaos d’eventos y conmemoraciones tolos días nos medios d’intoxicación social. Que si el nuevu cártel, que si las bandas, que si el museu se pecha ou non se pecha.
Fartos tienennos.
Dicen que ye la nuesa tradición más importante, mentira, la mayor parte de las procesiones son criadas y fomentadas pol fascismu nacíu nel golpe d’Estau del 36.
Asina sacan los “cristos” al meyor estilu gore americanu de Viernes 13, con cuanta más sangue y sufrimientu meyor.
Ye’l xeitu que tien los curas pa amostrar el poderíu que tien, arrodiau de muchos y muchos chiflatos y llambeculos que buscan favores que puedan provenir del poder eclesial.
Los curas con esto consiguen ocupar las caleyas, y sentise poderosos, pos las calles son suyas.
A los poderes institucionales nun les importa que estos días seyan un caos, colapsen el tráficu etc. Esto si les importa, cuando hai una protesta por una causa xusta y social, pa ellos, esto si que ye un problema, llaman a reprimir y usan los xulgaos pa la sua comenencia y intereses burgueses. Tola nuesa solidaridá col 15M, y a tolos procesaos.
La variante católica del fascismu está en plena vida.
Pos siguen teniendo na suas manos los poderes educativos, en tolas escuelas hai relixión, quitaron la disciplina de Educación pa la ciudadanía, comu ellos querían.
Cada vé parece estar más llonxe’l abortu llibre y gratuitu.
El sistema educativu púbricu está en decadencia presupuestaría.
Las instituciones caritativas de la Igresia, crecen y crecen cadavé mas en presupuestu, poder y caciquismu. Mientras que los servicios sociales pubricos cadavé le quitan capacidá de serviciu y prestaciones.
Pero, nun esquecemos que la sumana santa ye’l verdadeiru carnaval, ye la mascarada nel sou totalidá, todos van d’antruejos.
Los cargos políticos de honorables, y fieles católicos.
Los paparones van muchos güedros, dormíos ou empachaos de gutiadas. Siempre hai dalgún mayor supersticiosu que se sacrifican descalzos, pinchándose colas pepitas que cayen al suelu.
Muchas cousas más podríamos contar.
Simpremente dicir, que vos divirtáis, que los bares saquen porvecho y vos nun apañéis nenguna grave melopea.
Comentários