LA FUELGA XENERAL PUEDE SER UN FRACASO DE TODAS, TODAS

La fuelga xeneral será un fracasu si nun ye mayoritariu, y los trabayadores de toda condición, seyan ou non desempleaos, salgan a la caleya y protesten.
Pero on mayor fracasu será, si sólu dura un día, pos los trabayadores sentiránse defraudaos, y robaos polos sindicatos burócratas, decrépitos y agónicos, CC.OO. y U.G.T. y eicharán tola culpa al restu de los sindicatos, y peor inda, a la llucha sindical y obreira. Como inutil, vencida y traicionada.
Desgraciadamente, esto últimu ye mui posibre que paséi, pos un dia tres outro amuestránse dispuestos a negociar y vendese cada vez más, pa retirar la convocatoria de fuelga.
Esta fuelga nun puede ser sólu pola "reforma llaboral", yá que esta lo que fai ye llegalizar dalgo que estaba asociendo cotidianamente, el que cada ún se busca la vida comu puede y atopa, al marxe de lo que la llei decidiera.
Pos los capitalistas, los patronos facían y espipan comu quieren, siéntense seguros del sou poder. El sistema anguaño ampáralos.
Poro, nun debemos esquecer que nun van mudar nada, por un día simpremente de fuelga, si queremos conseguir dalgo, debe ser indefinida.
Si la llucha ye verdadeira y xusta, dura mas d'un día.
Propongamos alternativas mínimas al capitalismu. Estas alternativas necesitámoslas pa ensiñar qu'hai un futuru más acullá d'este desesperante presente, el socialismu.
Asina vemos y amostraremos qu'esto llámanlu democracía nun lo ye.
El fascismu sigue hasta agora, dende 1936, ensín haber partíu únicu, pero si dous partíos asomeyaos y muchos que buscan parecese, ou tener un taburete.