EL MEDIU RURAL YE UNA DE LAS VÍCTIMAS MAS IMPORTANTES DEL DESENDOLQUE CAPITALISTA.

Dir polos puebros y ver como están despobraos.
Como nun hai trabayu.
Sólo queidan aqueillos funcionarios, más o menos asentaos, más asomeyaos a una aristocracia obreira.
On asina, hai una crase obreira predominante, mas esta, alcuéntrase atada nun mundu de caciquismu y amiguismu. Pos sólo d'este xeitu ye como s'atopa empregu, ante lo mui escasu qu'está.
L'obreiru ye mui difícil poder aguantar nuna empresa queriendo facer un mínimu sindicalismu, pos en empresas, mas bien, microempresas, nun puede pasar desapercibíu, ensín que lo marquen y finalmente lo despidan.
Colo que hai que ver, ouyir y callar, inda mas.
Nas pequeñas empresas, los dereichos sociales relustran pola sua ausencia, son mínimos. Cuando llegan a ellas, si llegan, tardan muchos años, mientras s'estabiliza na aplicación de la llei.
Por esto, van queidando nos puebros los vieyos que nun eicharon, que s'acostumaron y/o asumieron al pensamientu únicu burgués-fascista.
Hai mozos que se queidan, consiguen criase un empregu, y facilmente aburguénsanse, dende un puntu de vista políticu. Y siempre estarán na cuerda froja.
Pero la mayoría tien fuyir, emigrar ensín remediu.
Asina ye muy difícil desempuliñar un ambienti, nel que neños, rapaces y mozos inspiren l'orguyu de ser obreiru, de formar parte de la crase trabayadora, destinada a lliberar el mundu del xugu burgués-capitalista, que nos gobierna nun fascismu mas o menos aparente, pero inamovible na sua esencia.