EL MASICIDIU DE RIBALLAGU (1959)

Esti ye un símbolu a nunca esqueicer.
Nuna noche, nel friu invierno de Xañeiru, los campusinos d’esti puebru senabrés, como cualisquier outru, sofrieron la estrucción y la muerte.
Víctimas de la política d’infraestructura hidroeléctrica, de la dictadura, nunca fueron compensaos, nin sobrizaos xudicialmente, naide pagóu polas suas responsabilidaes na defectuosa construcción d’esta presa, con malos materiales, quedando como si fuera una murnia desdicha, una catástrofe ensin mas. Queidou impune.
El masicidiu que padeciú estos campusinos, fui y ye la punta del iceberg, nel que s’amuestran como los puebros y el mediu rural del nuesu País Llionés s’usaron y siguen usándose para la depredación de los sous recursos a favor de las ciudades pal sou crecimientu y desendolque.
A lo llargu de tol territorio, los puebros, las cortinas, los güertos y las vegas, ye dicir, las meyores tierras de cultivo y de carío, estrozando los sous medios de consumu y producción. Inundaronlos a favor d’una riestra intereses económicos particulares de las corporaciones eléctricas, col sobrizu y subvención del Estau, co las mandangas de la modernidad, el progresu y la criación d’empleu.
Pero’l desenvolvimientu prodúcese a favor de las ciudaes, mientras que muchas llocalidaes, seguían sin suministru léctricu ou yera mui deficitariu.
La criación d’empleu fui eventual mientras duróu el sou allevantamientu, namás acabalu, casi tol mundo fuise a la caleya, nel paru, p’acabar emigrandu definitivamente.