HUEI, FUI’L INTIERRU DE MARCELINO CAMACHO

Un dia comu huei, enrecuerdianlo, escrebin, retalan d’una persona mui importante na historia del Estau español y del sindicalismu, Marcelino Camacho.

Tol mundu amientanle mui bien d’él, incrusu el príncipe, la sua muyer y el presidente del gobiernu.

Y de verdá muchu tienen qu’agradecele a él, pos comu dirixente prencipal del sindicatu mayoritariu durante la dictadura –Comisiones Obreiras CC.OO- y militante destacau del Partidu Comunista d’España –PCE-, que tantu lluchóu, sofrióu en campos de concentración, de trabayos forzaos y nas cárceles, entrando continuamente.

Ye inescutible que fui un lluchador dende’l escomienzu de la guerra hasta la muerte del alto representante de la dictadura.

Comu el, muchos outros, que siempre estuvieron na piteira de la griesca antifranquista.

Pero, nos años 70, púsose a negociar con ellos, colos Borbones y con tolos demás herederos del franquismu pa pescudar y criar la transición, que tan arguyosamente sobriza los socialfascistas, mucho más tovía, que los sous propios sucesores.

Con él, fízose un procesu de monarquización, esqueicese de la esixencia republicana.

Con esta constitución neofranquista del 78, nun arregrar la memoria ni el padecimiento de los represaliados nin las suas familias.

Nin xulgaba a la dictadura nin a las fuerzas represivas, ellos siguían na poltrona.

La llibertá negociaronla, meyor dicho, pordioseáronla pa salir de la illegalidá, consiguieron beneficios económicos, pero quedámonos ensin el dereichu a l’autodeterminación de los puebros, siguióu la guerra sucia del Estau.

Pérda de dereichos llaborales y sociales, con una incesante “reconversión”, “privatizaciones”, “esmantelamientu” de la rede productiva, y desemplegu na ciudá y nel campu. Y pa aposentar toda revuelta, ellos consentían col gobiernu, pa afianzar esta política económica.

El simboliza el asbuyu pola llibertá, cuando estaba la dictadura.

Pero, también el pufu, nun tiempu de gran conciencia de crase, deseu de meyoras socioeconómicas, y ansias de llibertá. Vendieron el sou prestixu y la sua vergoña por unas elecciones.