AUTÓNOMU-ASALARIAU.

Nel trabayu llaboral que se fai, nun se tien en cuenta como la crase trabayadora, ye una, anque se diferiencie por dalgunas circunstancias ou curiosidades, que pueden ser:
-según el sector económicu nel que trabayen,
-el ámbitu territorial nel que se situen,
-la llexislación que le afecte.
-cuándo, de qué forma se relaciona colas outras crases sociales.
Estas custiones, muchas veces son reguladas pol Estau y las outras alministraciones de forma mui seccionada y aparcelada, con tola intención de separtar y fraccionar a una xente que podían tener una mesma conciencia e identidá en base a unos mesmos intereses y preocupaciones socioeconómica frenti a los de outros colectivos sociales.
Pero la realidá política enséñanos que tola política de división feicha polas fuerzas del poder, nun resultaron en vanu, y consiguieron sentir que muchas necesidades nun se vean compartidas entre los grupos sociales de trabayadores, como autónomos, trabayadores por cuenta ayena, campusinos, etc.
Entre estos, se fomentan distingos con apelativos de consumidores, empresarios, obreros, urbanos, rurales, industriales, agricultura, servicios, trabayador de pequeña ou de gran empresa, xubilaos, mocedá, muyer, etc.
Pero on asina, hai mucho más que nos une, non solamente porque las políticas sociales y económicas aparceladas en muchas lleis y decretos están inspiradas na mesma ideoloxía liberal-capitalista pa favorecer a los amos, la burguesía, sinon tamién que las relaciones sociales productivas, la propiedá de los medios de producción y comercialización, la plusvalía, fai que arrascando lo más superficial, atopémosnos cola esencia de unidá de la problemática y la llucha de crases frenti a la burguesía, nacional y tresnacional.
Como definición escueta de todo esto, pongo como’l Campusinu le sustraen la plusvalía en base a una imposición d’un preciu al sou producto, menor ou mui axustau, de lo que debería pa solventar el gastos de la producción, y deducidos estos, poder conseguir unos ingresos mínimos pa tener una vida curiosa, acorde colos tiempos y el coste del consumo.
Anque los medios de producción seyan suyos ou hipotecaos, las gastos fixos y variables nel usu y desperfectos va cargo de la responsabilidá y economía del campusinu.
Esto mesmu ou semeyante puédele pasar a cualisquier autónomu, dependiendo en qué sector productivu trabaye.
L’asalariau quítanle la plusvalía en base a un trabayu gratuito, que atafalla al empresariu ou sociedá empresarial, amu de los medios de producción onde trabayu, pero el nun se fai responsable directu de los gastos d’usu de los medios de producción.