LA MESMA REFUNDACIÓN DE SIEMPRE.

Izquierda Unida siempre s’está criando nuevamente, por cada nuevu coordinador y representante escoyido.

Llueu, llegóu el nuevu coordinador Cayo Lara qu’escomienza con una retaguila más obrerista, y preocupau polos dereichos sociales, económicos y llaborales que patañeando tol Estau, escomienza a ser una figura bien visible.

Curiosamente, nun mudan al Diputau del Congreso “Llamazares”, al que tanto repudiaban dende drentu y lo forzaron a dimitir del sou cargu de Coordinador de la coalición.

Como Diputau que sigue siendo, el ye’l que negocia y siguen con un discursu nada diferiente de lo que yera enantes, nun se ve verdadeira muda de personalidades, acciones y discursos políticos.

Pa dar una semeya renovadora, apañaron el seranu de refundación, con el que apregonaban pubricamente criar una continua combresación colos movimientos sociales, pal mutuo enriquecimiento y abondamiento d’estos.

Pero como diz, el refrán, obras son amores y non buenas razones. Asina, de sopitu, nos atopamos con Cayo Lara, coordinador anguañu, saliendo en manifestación en sobrizu a unu de los cuerpos más represivos y con más herencia del pasau dictatorial, y autoritariu, como ye la Guardia Civil.

Pa continuar enseñando esta semeya tan novedosa de una nueva esquierda, que pretenden alburdecer como la cabeza fundamental de tola esquierda; en Izquierda Xunida d’Asturies, nun tienen outra ocurrencia más chocante que facer una charra na que invitar a Santiago Carrillo. Esti señor qu’arroñóu al PCE(partidu comunista d’España) y lo que ye peor, negocióu colas autoridades franquistas para que nun mudara nada sustancial nin responsabilizar dalguien, 40 años de dictadura. Que ye lo que significa esta transición postfranquista que tanto sofrimos y padecemos. Y cada vez más.