LA LLUCHA DURA MAS D’UN DIA.

Pasóu’l 29 Setiembri, y comu asocedióu, cola fuelga del personal de l’alministración, parez que nun volvemos a saber nada.

Pero el patañeo sobre los dereichos de tolos trabayadores continua.

A todos nos afecta la perda d’ingresos, d’emplegu, la xubida del IVA, el retrasu de la edá de retiru, l’aumentu del periodu d’escote.

Poro, trabayadores de toda condición, autónomos, estudiantes, campusinos, urbanos, rurales; unidos, debemos acabar con esta llácara política del socialfascismu del PP-PSOE, amostrando al mundu, qu’el capitalismu ya nun tien cabida nas nuesas vidas.

Asina seremos vanguardia -como fueron las tractoradas, los cortes de carretera de hai pouco tiempo-, de griesca pa los demás puebros ibéricos.

Nun debemos amorranos y sentir impasibles el chitón d’estos burócratas sindicales CCOO y UGT, que maman más de las subvenciones que del sobrizu popular y d’afiliación.

Nun debemos queidanos paraos, contemplando comu outros puebros –Francia, Grecia,etc-, están retolicando, arrepiñando las caleyas, ensin amuelase. Ellos son un exemplu.