LAS XEIRAS D’UN GAMUSINU.

Como’l llibru de Xosepe Vega, siéntome como un gamusinu, axuntu outros semeyantes, que fusgamos caminos pa chegar al regueiru, esi amigu que paece qu’está con nos, pero continuamente escula y tenemoslo siempre que buscar.

Poro, nun sólo facemos una “Breve hestoria d’un gamusinu” de la editorial Filandon, sinon muchas xeiras, seranos nun unu solu sinon con mas.

Pescudamos a tolos qu’atopamos sobre ú está, y todos aconséyanos, unos con más seguridá qu’outros, unos condergando a outros. Siempre cola oureya atropada pa deprender.

Mientras cuchamos, tamién interactuamos con más xente de la nuesa crase social, los trabayadores, asina, facemos llatas y caleiyos por onde siguir arrando, apregonando las inxusticias sociales, rebusquiando criar alternativas que pongan cascayu nas ruecas del sistema, pa facer la revolución necesaria que nos lleve al socialismu.

Como’l gamusinu, soi un ser ensin grandes teorías, nin mui teóricu, que facemos teoría mientras testumbiamos, y empuntiamos según la nuesa esperencia.

Pero a diferencia del gamusinu, si séi y sabemos lo que semos, trabayadores, la base d’esta sociedá, que criamos riqueza, servicios pa meyorar la nuesa vida. Mentanto, los nuesos rivales, los capitalistas apañan toda esta, pal sou propiu beneficiu, cola mandanga de ser los amos y alministradores de los medios de producción.

De tantu andar, como’l gamusinu, las vivencias paecen que te demuestra qu’el regueiru puede que s’afalle mui cerca del niciu del mundu, del puntu de partida, de lo que tanto escrebía Marx y Engels. Como nel manifiestu comunista: “Tola hestoria de la sociedá humana, hasta’l dia, ye una historia de llucha crases…”

Arrematando, de la práctica naz la doctrina, y la doctrina enriquez la práctica.

Asina, como’l gamusinu, siempre estamos en costante remosquiu, y reflexón permanente.