LA BANDEIRA DE LA VERGOÑA.

Cuando siguimos sofriendo esta plaga de las banderas del Estau, nel que dende’l puebru mas apachau, atópase y aparecen en muchos buracos y corredores.
Nun le queida a unu mas que llembrar la historia que simboliza esti trapu, que siempre estuvo unida a la monarquía, que sangróu a gran parte de la península ibérica, nel golpe d’Estau de 1936, y que impuso la sua tiranía durante 40 años, relegando a la clandestinidá a la verdadera bandeira constitucional, la tricolor, la única democrática, lliberal y popular.
Pero, condelguíamente, el movimientu políticu d’oposición más importante e influyente nesti Estau, nesi momentu, yera el Partidu Comunista d’España,que llexitimóu y llegalizóu esti símbolu, el de la dictadura, el autoritarismu y el absolutismu.
Acullióu las condiciones de los burócratas de la dictadura, aceptando la institución heredera del “generalísimo”, -la monarquía-, con tolas suas enseñas, sin demandar un referéndum pa qu’el puebru dicidiese sobre monarquía ou republica.
Esqueizóu a adrei, las responsabilidades personales e institucionales na represión, de tolos políticos y burócratas que gobernaban durante la dictadura.
Poro, la xente que sofrióu, oservóu, vivióu, sobrevivióu y remembra la represión, tiembla cada vé que fala sobre estas vivencias propias ou del vecinu.
Porqué realmente, nun hubo nin muda de chaqueta, siguieron las mesmas caras que mandaron durante la dictadura.
Quiso entoñar la memoria, la sua bandeira republicana, a los republicanos, a los represaliados del franquismu, hasta hai mui poucu tiempo, que parez que s’alcordou que esistían pola presión y esistencia de las asociaciones de memoria.
Mientras, las organizaciones de esquierda anticapitalista, siempre amuesaron a la república, y a la sua bandeira con arguyu y valentía, durante tol añu, especialmente cada 14 d’abril.
Entovía, siguin drentu de los sous parámetros de acción y discursu políticu todo esti xeitu de facer política, pos nuna rueda de prensa al coordinador de IU ante una pergunta d’un periodista, dixóu que deseyaba que ganase la selección española de futbol, y bien que se callou, cualisquier crítica a la millonada de gastos que suponía esta participación, y el dineral que fui prometido a los xugadores si ganaban el Mundial.
Nestos momentos de exaltación patriotera españolista, debióu ver lo incorrecto del momento, ou seique, realmente lo siente asina.
Esta bandeira bicolor de la monarquía postfranquista, qu’está siendo estendida por muchas casas, encarna la conculcación de cualisquier dreichu de autodeterminación de los puebros, pisotea al restu de las bandeiras.
Tamién entoña, las vergoñas d’un sistema capitalista que regala perras de los nuesos impuestos, los de tolos trabayadores, la mayoría social,a los banqueiros y demás capitalistas d’outros sectores. Los trabayadores tamién debemos sofrir las consecuencias de la sua especulación, emprobeciendo y perdiendo dreichos sociales, económicos e históricos, mientras se subvencionan los sous negocios, aumentando la acumulación del capital en cada vé menos manos.
Todo esti pasaxeru “cuelgue” popular fubolero, y patriotismu baratu banderil, comprau nos “chinos”, pasará, pero deixará el regustu de que falta mucha educación política e histórica, pa que nun se atrase 50 años d’un plumazu.
Por todo esto, un estandarte pa alzar, emponderar y de la que sintise arguyosu ye la republicana, y la que tenía qu’estar.