EL CASTELLANISMU-ESPAÑOLISMU INÚNDADONOS POR TOLOS REQUEIXOS.

Esti artículu pretendo amuesar como la ideoloxía política del castellanismu nel sou sentidu mas ampliu, chamese españolismu, aculturiza las nuesas vidas y el nuesu ser. Faciéndonos esqueicer, que como trabayadores que nacimos nestas tierras zamoranas, tanto rurales como urbanos, tenemos unas cultura tradicionales que nun s’atopan en muchos llugares. Porque esta, tienen un amu con capital que quiere esborriar todo aquello, que pueda enseñanos una identidá que nun les gusta.
D’esto, muchos exempros, como:
Huei, está atafallándose la feria del llibru na ciudá Zamora, organizau pol Ayuntamientu. Nesta puedese reparar como sigue incultiando tola lliteratura y cultura que s’allonxa de lo políticamente correctu, que curiosamente nesta categoría tamién incluye aquello que nun está drentu de los patrones de la llengua castellana, outores, escritores, editoriales, narrativa, poesía y llibros. Nun invitan, non a outores qu’escreben en gallegu ou en asturlleonés, sabiendu qu’esisten, y si trayen a escritores, muchas veces folasteros, pero que craru está pertenez al dominiu de la llingua oficial del Estau, el castellanu.
Esti llabor ye mui importante, ya que consiguen criar l’opinión nel pueblu y nos trabayadores de que nun esiste nenguna cultura propia y tradicional, nin nenguna criación lliteraria nin cultural más que la castellana. Asina, promueven la idea de que el gallegu y asturlleonés, sólo sirve pa lo informal, lo oral y campesinu, y que nun son unas llinguas abondas serias pa trabayar, nin sirven pa tratar cola alministración, nin nos negocios, nun val la pena de curiar.
El restu d’opciones culturales que forman parte del nuesu patrimoniu llingüisticu, que se pueden ouyir y sentir, obvianlas porque sucintamente las consideran caprichos y mandonguiamientos políticos de ciertos partidos nacionalistas-“separatistas” que quieren estruir “España” y ou “la región Castellana-leonesa”.
Con esto tamién, pretenden espeyar la idea de que todu lo qu’está en castellanu, ye lo propiu, lo cercanu y familiar; mientras que las outras culturas, falas, pallabras y vocabularius, ya son raros, incrusu importaos pola “prosimidá xeográfica”, e intercambios históricos, económicos y de migraciones con outras rexones.
Xuntu esto, qué dicir de los medios de comunicación, estos que na sou mayoría afuyen de todo aquello que nun se principie dende’l aparatu de las alministraciones. Na sua xeira rutinaria, escluyen todu aquello que nun forma parte de la cultura oficial española, ye dicir lo castellanu.
Fomentan la ignorancia, siguiendo las directrices de instituciones como la Diputación, la Xunta a traviés de la sua Delegación Territorial, de qu’en tola provincia hai una uniforme y única cultura asemeyada, que s’une dende la capital a tola provincia. Curiosamente, esta cultura capitalina que se toma de modelu ye lo más luengo de cualisquier rongayu de lo lleonés y lo gallegu. Con esto pretenden instaurar y forzar una identidá zamorana que confluya cola identidá imperante, españolista, en base a una cultura castellana que nagüe todu, cola única intinción d’apachar todu aquello que se pueda diferienciar de la cultura del centralismu, mediante la delegación alministrativa que s’esparde dende la metrópoli de Valladolí.
Desgraciadamente, ante esto, el puebru zamoranu véolos mayoritariamente convencidos d’esta política llingüistica d’aculturización, que nun necesita d’excepcionales mididas represivas, simpremente cola desimulación d’un patrimoniu llingüisticu diversu y ricu, una definición revisgada de la realidá cultural, nel que s’arremedan de las falas tradicionales como dalgu antigu, pasau, inútil, a fiñecer, que nun tien ensin valor pa ser cudiau, e incrusu inventau, y que se debe arredar del sistema educativo, medios de comunicación, etc.
Todo esto, la xente puede cuidar que ye debidu a una llarga política de gobiernu de dreichas, pero desgraciadamente, la custión nun ye tan fácil, pos, anque en teoría, pueda suponese que pa defender al puebru, a los trabayadores y a la sua cultura, quien podría tener mas actitú son los movimientos y partidos d’esquierdas.
Atopámonos con una realidá bien diferiente, y nun me refieru a a los partidos que se consideran castellanistas, qu’a la final, nun son nada representativos nin con influencia, incrusu facen el trabayu tracamundiu, dando morindangas a los partidos qu’están nel poder ou arrimau a él, amostrase pubricamente como acuchadores de lo castellano y leonés, frente a los outros, manifestantes uniformaos de la unidá de la patria.
Los “constitucionales”, como PSOE ou IU, que facen una política seguidista del centralismu estatal y autonómicu, como eixe fundamental de la sua política cultural y educativa nesta provincia. Tienen asumido na sua mayoría toda l’ideoloxía cultural, centralista y castellana del poder burgués, d’esti Estau posfranquista.