¿U ESTÁ LA COAG?

Fai pouco tiempu que hubo unas manifestaciones escontra el pensionazu, que fueron convocaos polos sindicatos Comisiones Obreiras y Unión Xeneral de Trabayadores.
Unos “sindicatos” que realmente nun tienen nengún dreichu a dicir que defienden nin a defender a la crase obreira.
Pero on asina, se ven na l’obligación mediática d’amuesar incordio y fastiyu hacia la población, ante esta nueva vuelta de tuerca de pioramientu de las condiciones de los trabayadores.
Por eso, vense necesitaos a facer este teatru escañizau polas circunstancias.
Y mientras, ¿qué les pasa a la Coordinadora de Organizaciones de Agricultores y Ganaderos? ¿nun se sienten entrampaos colos campesinos?
¿Los campesinos nun son crase trabayadora que van a sofrir empago de la ruina del sou centru de trabayu y explotación, el tener que xubilase más tarde de los 65 y tener que escotar más de 15 años?
Como trabayadores, los ingresos que tienen van melmando, el frutu del sou trabayu nun está siendo recompensau, mientras que na contabilidá los gastos van en aumentu.
¿Esto nun ye cantusar dende fai muchos años dreichos sociales? Mientras ven como las corporaciones especuladoras apañan tol mercau y la producción colas subvenciones de la Política Agraria Común.
Bien están viendo que sólo pueden mal vender el sou producto de la sua fuercia de trabayu a un postor poderosu, a un patrón, revestido de gran empresa, que posee los medios de comercialización al consumidor. Y esto, si acasu se lo arrequedan.
Con todo esto, mandoguían el mercau y compran a baxu preciu y feiran a lo que quiere. Pa esto importan materia prima d’onde ye mas barata, por muchos factores pero el prencipal, el emplegu d’una fuercia de trabayu de subsistencia.
Por eso, la COAG, tamién sal a la caleya, demandando respetu y un trabayu dino. Esoutro día, fai lo mesmu que los sindicatos anteriormente citaos, métense a negociar ensin nenguna vergoña colos mesmos qu’arruinan a los trabayadores agrarios.
A sumar mas a todo esto, ¿nun ven qu’el pensionazu arruina inda más la vida de los campesinos?
El nun salir a la caleya a clamiar xusticia, afala la parecencia de ser unos sectarios, que cuidan que los campesinos son un mundu a parte del restu, que sólo ven lo que son estrictamente los sous intereses profesionales, prácticamente empresariales pos se axuntan cola patronal ASAJA, nas mesmas andancias.
Tienen que dase cuenta que la sua xeira ye asistir y dar avío a los ciudadanos, que son na sua mayoría trabayadores.
Y los trabayadores non agrarios, nun pueden disviar la sua vista pa outro llau, pos si naide cercanu a ellos pué vivir merecidamente del alimentu que cria col sou trabayu, hipoteca tol sou bienestar a unas grandes empresas que hinchan los precios, y especulan pa atropar más plusvalía, ensin amirar si el pueblu puede o non comer.
Entovía podemos mudar el sistema.