A MI ABUELA.

Fai pouco tiempu que mia abuela morrióu.
Sentíame mui unido a ella.
Ella yera un empate necesariu cola realidá campesina y rural que s’está acabando por acción de los poderes económicos reales del capitalismu, qu’emplegan al Estau, como mediu propagandísticu de la sou pensamientu, engaluchando a los habitantes de lo benefactores que son, incultando los suas propias comeniencias particulares.
Enseñome lo más prencipal pa la gayola na salú pública y familiar, que yera el güertu.
Siempre dicía que col güertu daba de comer a la sua llarga familia, pa tol añu.
D’ella deprendí a semar, a arregar, y lo qu’entovía queidome por cuchar.
Yera una enciclopedia de la supervivencia humana. Pos nun hai figura humana dalguna mas avenida al aguante que la campesina, qu’aporvecha tolo que l’arrodía y cautiva la tierra pa que brote riqueza pa la humanidá.
Como muyer, asistióu a sou home, y a los sous suegros.
Como fiya, curióu a sous padres.
Como hermana, nun esqueizou quién yera sua familia.
Siempre cuidóu en sous fiyos, y depués llegou a ser abuela, y afainose polos sous nietos.
On mas, atendióu al sou cuñáu, qu’estaba solu, cuando enfermaba y nesos últimos momentos la sua vida, envede metelu nuna residencia, ella escontra de la sua propia salú ya delicada, acullólu en casa hasta la sua muerte.
Y siempre na sua cabeza, la vida de la tierra, el tiempu, la senara, l’augua y el sol.
Todo esto, yera la sua vida, a pesar de los muchos años, lo llevaba na sangre.
Las gallinas, los gallos, los marranos, los gurriatos, los coneyos, los burros, las mulas daban vida a la sua casa, drentu de lo que la mia cabeza llembra.
Una casa costruyida enantes que nada, pa las xeiras campesinas, non pa vivir folgadamente nella. Yeran sólo unas pequeiñas alcobas, los únicos requeixos de intimidá.
Mientras el llar yera onde se facía vida familiar, social, al calor del llumbre. Y siempre colgando na chumineya, unas llares pa sobricar un caldeiru.
Las suas duras facciones de la cara, el sou ralu pelu totalmente brancu, preciosamente marañau, estará en mia mente.
Pero ante todo, las suas historias llévolas en mio corazón. ¡Cómo las vivía! Recordábalas na sua propia carne como fuera ayer pol pueblu. Sintíolas tan nel sou interior, que te las revivía, cada vez que las contaba. Especialmente las de carecimiento y muerte, nas represalias fascistas del golpe d’Estau militar del 36. Sofríalas remembrándo.
La sua llengua mestiza de castellanu con rasgos asturlleoneses abríame los ueyos a un mundu arredau oficialmente pola alministración educativa y cultural.
Gran parte del vocabulariu que tengo apañau ye todo suyo.
Estar con ella, yera apasionante, siempre tenía dalgu qu’amuesar, y you que deprender.
Aguardo que nos podamos ver llueu y gayoleros.