MÁS DE LO MESMU.

Una vez mas, las OPA(s) “Organizaciones profesionales agrarias” volvionen a salir a la caleya, pa reclamar unos precios mas xustos a los sous productos, pa que fuonen mas acordes cola carestía de la vida, que fui xubiendo añu tres añu, pero nun asina los sous ingresos, que dependen de a cuantu le pagan pola sua producción.
Ante esto, tanto el gobiernu autonómicu como l’oposición, y el gobiernu estatal como l’oposición, enllenaron d’azagalas y se solidarizaron colos campesinos.
Todos tenían “un mesmu mensaxe d’unidá”, you fago bien las cousas, fago tolo que puedu según las mias competencias y son los outros los que nun facen lo que debiera.
Pa todos ellos, el Campu ye fundamental, y el sostén de la nuesa sociedá, pues los estiman públicamente como los señalaos promotores de la soberanía alimentaria, que todo país precisa pal sou conveniente desendolque.
Pero a naide oyósele dicir a traviés de medios de comunicación de masas, que pensaban facer pa desquitar los nocivos efectos de la Política Agraria Común, que fai, que subvenciona, y da más perras a quien más propiedaes tien, y amás estos nun se dedican a la agricultura, son simplayos cazasubvenciones; que nin por facer, nun facen por cultivar.
Tampoucu, naide dixóu que diban a facer pa controlar los precios tan abusivos pa los consumidores, que hiperinflar al intermediar, son un de los verdadeiros responsables de la ruina de los campesinos.
Estas empresas d’espardición y transformación que facen aumentar los sou beneficios a costa d’aporvechase de la clase campesina, apañando la sua plusvalía del sou trabayu, ofreciendo namás que l’escasa retribución polos productos que saca al mercau, que dan pa pouco más, que pal pagu de los costes de producción.
Asina faciendo cálculu, los campesinos aberrutan lo pouco rentable que sal la sua escrava fuerza de trabayu, a lo que se le resta aún mas, las cada vez más fuertes inversiones que deben facer pa ponese al día en maquinaria, xuntu a los costes de mantenimientu y producción que tien.
Mientras, los campesinos ven que a quienes furnen el productu del sou trabayu, usar el sou dominiu y poder nel mercau de comerciar a peto al consumidor, polo cual, imponen los sous precios de compra al campesinu y los sous precios de venta al consumidor.
Y mas, cuando estas empresas ven que les salen mas económicu comprar a terceros países con manu d’obra más abaratada ou inclusu las suas escurrayas a baxo costo, esfarrapan al nuesu campesinu, el cual ven que nin les quieren recebir lo sous frutos, si quiciabes casi de misericordia.
Una vez mas se ve, como los campesinos venden la sua fuerza de trabayu, ensín nenguna seguridá, a voluntá del remilgu capitalista d’un mercau intervenido a favor de los intereses d’unas grandes empresas, unos terratenientes, etc. Están peor, inclusu que siendo “proletariu”, pues tien qu’aforrar pa reinvertir y costiar la producción, dalgu qu’el obreiru por cuenta ayena, debe esmolecese prencipalmente en forciase por arriendar el sou tiempu de trabayu al meyor preciu. Mientras ve como nun afallan emplegu, la sua fuerza de trabayu refugada, si quicias admitida en condiciones cercanas al autoritarismo.
Todo esto, con una política xeneral de ayudas a los empresarios –banqueros, rentistas…- pa meyorar los sous beneficios y evitar la sua ruina, nuna crisis siempre presente pa los campesinos que vían, y ven como única solución aborrecer l’agricultura, un mediu rural ensín outra actividá económica de repuestu, y finalmente emigrar.
Asina estamos nesta provincia de Zamora, que añu tres añu, perdemos de media, según el periódicu “La Opinión”, unos 1.500 habitantes.
¿Y a que se dedican los nuesos gobernantes, que cobran de los nuesos impuestos, del nuesu trabayu?
Arrematando. Mas de lo mesmu.