LA CENTRAL TÉRMICA DE LEDESMA: UNA CAUSA COMÚN.

Parez qu’en Zamora, la instalación d’una central térmica nun da llugar a nenguna reacción.
La xente nun ve en esto nengún problema, como si nun le viniera a cuentu.
Como ye posible qu’esto suceda.
Claramente, esto está pasando en gran parte, pol propiu llocalismu, pechau a cualisquier cousa ou sucesu que nun pase na sua propia llocalidá, nel sou propiu requeixu de la sua vida.
Aún asina, hai quienes anque les metan na sua casa, un vertideru de borrallas industriales, como el de Fresno de la Ribera. La población del pueblu y del contornu afléta ou cállase ensin dicir la mínima queixa.
Está claru q’una cousa como esta, fai años nun sucedía, pues la xente estaba más sensibilizada no ocurría na sou llocalidá, la comarca.
Esta xente, nun yera mas que campesinos, ou trabayadores n’outros sectores productivos y de servicios, inclusu pequeiños empresarios que vían peligrar el pan que les da de comer y las suas inversiones duramente aforradas.
Pero agora, esto mesmu está pasando cola propuesta que tuvo Iberdrola de instalar una Central Térmica en Moral de Sayago.
Ellí, los conceyos, la población sentíase resposabilizada pa lluchar y asina rechazar esta vergoña, que destruía las ilusiones de tolos que trabayan nel mediu rural, especialmente la rapaciada ou cierta mocedá que creía nuna agricultura y ganadería de calidad, respetuosa col mediu ambiente y la naturaleza, los que apostaban especialmente y firmemente pola agricultura ecolóxica.
De qué xeitu, podían vender los sous productos al mercau, como alimentos sanos, aqueillos que se crían, seman, engordan y s’apañan al pié d’una factoría que queima fuel y/ou gas, abuchando gases tóxicos y consumiendo un augua escasa, de la cual, la que sobra, eicha al riu, contaminada y más caliente. Lo que supon un trastornu enorme a la fauna y vegetación qu’el riu tien.
Equí tamién na primeira fila, alcontrábase los trabayadores del sector servicios, principalmente el turísticu, que vían un gran peligru pa los sous intereses socioeconómicos, la construcción d’una Central Térmica, que destroza un paisaxe, que ye reclamo pa los forasteros.
Los forasteros cuandu viaxan nun van a dir a ver un campu con fumu, nin un enorme estaribel de hormigón, unas grandes chumineyas que afean tolo que se mira.
A que visitantes que vengan de la gran ciudá desea dir al mediu rural pa ver lo mesmu que ya ven na sua “casa”, y que le atasca el sou aparatu respiratoriu y amalleta la sua vista d’un horizonte que busca llimpiu.
Estu mesmu pescudan los artesanos que reciben visitantes, pueden tremar que nun los volverían a ver por ellí, en cuantis supieran la implantación d’una Central como esta.
Qué consumidores querrían comprar, ou tener productos y servicios d’un llugar que podía parecese a la sua grande e insana urbe d’onde procede y vive habitualmente.
Mentantu, l’alministración y la empresa interesada nesti negociu de la electricidá, vende tolos beneficios habidos y por haber d’esta clase d’edificiu, cantando milongas como el trabayu que se crearía, y qu’acabaría col desemplegu y la emigración.
Lo que nun cuentan qu’el emplegu que s’usa será temporal, mui técnicu, muchu de el, traido de fuera, que duraría lo que durase la obra y en cuantis s’acabase, s’acabaría el emplegu, pues el personal de xestión de la instalación ye ínfimu, que nun supón nenguna novedá a l’economía, al emplegu y a la sociedá de la comarca, y si algamar una peligrosa fama pa cualisquier actividá socioeconómica que se faga nesta llocalidá, comarca e inclusu provincia.
Estas razones que ficionen como suyas, el pueblu sayagués, alistanu y zamoranu contra la Central Térmica de Moral de Sayago, a la mesma uriella del parque natural de las Arribes, parez que cuandu ocurre al vecinu de provincia, se olvida todo esto, como si nun le viniera a cuentu.
Pues Ledesma y la sua comarca ye un continuum na naturaleza, la carretera, tolas vias de comunicación, na cultura qu’al sayagués y al zamoranu, especialmente al sur del Duero, y aún asina…¿qué pasa?
Tan curtia ye la nuesa vista, tan estreichu el nuesu pensamiento.
Quiciás sea asina, pero al forasteru, al consumidor, al usuario de los nuesos servicios y productos verán, conocerán un desastre medioambiental que nun nos favorecerán en nada, nin na sua construcción y si perxudicará na nuesa calidá de vida, non solamente económica sinon tamién en salú, y en escasez en dalgu tan estimau como l’augua, que mamoneará la Central pal sou sólo beneficiu y plusvalía económica de acumulación de capital a costa de nos y la naturaleza, mentantu, los amos y executivos de l’empresa eléctrica bien llonxe d’equí, cuntará las suas millonadas de ganancias.
Someyadamente al casu de la Central Térmica, se puede extender al cualisquier casu de Central Nuclear, Vertideru, sean cementerios nucleares ou de borrallas industriales.
Los pueblos deberíamos revolvenos ante tantu abusu en producir electricidá, pa la exportación, cuandu nun la necesitamos nin la consumimos, pero si padecemos los sous efectos como inundación de interminables postes y cables de alta tensión, que nos afecta tanto visualmente como matando animales, y pueden provocar los tarrecidos cánceres y tumores qu’están al orden del día.
Todo esto, fai peligrar la economía, el emplegu y muestra una sociedá ensín ilusiones nin esperanza.
Parez que solu quedá ver como morrir, con murnia y baldaos.
Aun asina, siempre queda la esperanza en plataformas de ciudadanos y trabayadores unidos que ven outro horizonte más esperanzador, favoratible, con un desendolque rispetivu col mediu ambiente, la nuesa economía y la salud.
Ehí está, la Plataforma antitérmica de Ledesma y alredores, pa revelase.
Hai que apoyalos y participar con ellos.