LAS INTERNAS, LA VUELTA D’UNA EXCLAVITUD NO ENTERRADA.

24 horas al dia
Al servicio de la señor cuando quiera.
La figura de la interna ye un trabayu que parecía esaparcido, y que naide pensaba que podía volver al mercau llaboral.
El serviciu domésticu de interna solía facese polas rapazas que se diban del sou pueblu a la capital, ou solamente diban a servir al señor o señora que precisaba d’una criada que le sirviera pa tou, tanto pa asistir el ganao como pa llimpar toa la casa.
Estas rapazas que servían a un señor procedían de familia pequeiñu campesinao, que debido a la estrechez de recursos pa poder ser atendidos toos sus miembros, al nun tener abondas tierras nin ganao, pa trabayar col que poder durar un’amplia familia. El único escape que vían yera la d’ufiertase comu manu d’obra barata p’outra casa con más posibles.
Estas casas solían ser de llabradores rurales con tierras, acostumaos a tener criaos. Pero, en muchas ocasiones, yera la casa d’una burguesía que precisaba de manu de obra que nun alcontraba na ciudá. Dalguna vez, inclusu el meianu campesino necesitaba d’esta fuerza de trabayu en momentos puntuables d’ayuda, llabores del campu, atender a los sous fiyos, etc.
La rapaza cumpría las xeiras que le mandaba la sua señora, en tou lo que necesitase, fregar –enantes de las fregonas, fregábase a manu, de rodiellas-, pranchar, cocinar, llimpar la casa, asistir al ganao, llimpalo; si nun tenía ganao, eso podía pasar na ciudá, con una burguesía allonxada de lo agrícola-ganadero, puis trabayaba nel negociu familiar, sea cual fuese. Nun había horarios, nin descanso. Vivía cona familia del señor, pero apartada d’el.
Trabajo
Esta ocupación d’interna empezou a esaparcer cona industrialización, nel qu’el trabayu industrial, escomenzaba a tener unos horarios mas o menos determinaos, con unos dreichos sindicales y llaborales q’amparaba a los obreiros, los cuales, ya emprincipiaban a tener un ciertu tiempu aprovechable pal ocio. Esta maneira de vivir, se fui ampliando a outros sectores endrento del mundu mas cercanu, que yera el mundu urbano; y d’ehí se fui esperriando dica entornos mas llonxanos.
Estu pué parecer del sieglu pasau y d’outros continentes del Tercer mundu, dalgu olvidau en nuesu alredor.
Pero, cuando se creía qu’estaba olvidau, una nueva ola de trabayadores empezou a llegar a las nuesas tierras del primer mundu.
S’enantes, yeran las campesinas del “país” ou la cercanía, las que diban al serviciu domésticu, agora, llegan mayoritariamente campesinas y trabayadoras rurales de los pueblos empobrecidos pa trabayar nel servicio doméstico, cuidando a los fiyos y a los vieyos de las familias con perras.
Rialmente, tampouco cambearon tanto las cousas, si acaso los xeitos.
Cuando, nenguna muyer trabayadora del “primer mundu” con cuenta ayena, fuera de casa, quier ser criada de 24h. Alcontrámonos como las familias pa cuidar a los sous neñus y mayores, debían usar centros especializaos pa la su’atención, guarderías, residencias, llugares costosos de pagar, pero los únicos asequibles.
Son sitios con personal mas o menos especializao, que pué tener sous dias llibres, un horario de descanso y de trabayu mas o menos claru, con unos estudios y una infraestructura curiosa p’atender abondos usuarios.
Asina, parece que quedou vacante el puestu de criada o siguramente la necesidá d’estas muyeres inmigrantes a ganase la vida, propició que “resucitase” un empleu que se consideraba muertu.
Simpremente estaba llatente.
Asina, mientas que s’un vieyu paga unos mil euros al mes o más, por ser atendido nuna residencia, pué esti ou la sua familia pué pagar a una persona, ochocientos euros al mes, y tenela mañana, tarde y noche, los sieti dias la sumana, si acaso, le corresponde dalguna tarde llibre.
Asina, mientas un trabayador d’una residencia pué cobrar mas o menos mil euros al mes, trabayando cuarenta horas o dalgu mas de xornada sumanal, estando tamién aseguradas regularmente. Estas muyeres trabayadoras inmigrantes pola necesidá tien que aceptar estos puestos, muchas de las veces, ensin asegurar, irregularmente, imposibilitadas de poder trabayar llegalmente.
Tou a expensas de la buena o mala voluntá de los sous señores.
Esto parezse cá vez mas, a los tiempos que me contaban los mios padres y mios abuelos. Que ellos viones, vivionen y sufrieron esta situación.