LAS LLIENDAS DE SAN PELAYO.
Nel término d’Almaraz, alcuéntrase un llugar mágico, pa tou quien lo quiera ver.
Dend’ellí, vese un paisaje atrayente del riu Duero, la Vega, el Soto l’Obispo, el Cañu, las llatas serpiantes, y muchos más parajes dend’un teso, una peiña onde s’alcontraba l’ermita de San Pelayo, y qu’enantes yera un castru.
Ye un sitiu tan glorioso, maníficu, arrogante, esplandoroso, con tantos calificativos que se le podría poner, que un se queda ensín pallabras que dicir, puis se quedan cortias ante rellumamientu d’esti entorno inigualable.
Viendo tou esto, fácete reflexionar sobre los sabíos que yeran los nuesos ancestros.
Qué bien sabían onde instalase pa defendese.
Un llugar inexpugnable por toos los flancos menos por un, dend’el cual tampouco yera fácil d’acceder, puis la mesma naturaleza que l’arrodiaba col riu y despeñaderos, la facían defendible a esgaya.
Asina yeran los castros, verdadeiros pueblos fortificaos.
Estando ellí, siento abondo emociones diversas y poderosas, que facen pensar que nun solamente escoyían el sitiu, por cuestiones de defensa, sinón tamién por ser un llugar cercanu a los Dioses, onde se pué sentir los sous aliendos sobre la faz de la tierra y en nos, los sous siervos mortales; pero a la vez, se llogra apalpar el Poder d’estos Dioses, un se siente semidios dende tan enriba.
Aprovechando esto, cuando llegonen los curas del Imperiu, y su poder de Estau, utilizonen el sitiu pa los sous rituales. Ellos tamién, bien se dionen cuenta que dalgu especial había elli.
Por eso, rebautizonenlu en devoción a San Pelayo, elli están los restos d’una ermita, y tamién una pequeiñas ollas, onde dicin qu’elli s’enterraba a los muertos. Tou esto, na mesma peiña. No mas altu del paraje.
Agora qu’escribo esto, alcuerdo la mia visita al castru de Vall’aigla, nel conceyu de Miranda del Douro; tamién fuimos a ver la sua ermita, tovía ellí tien tovía conservada parte de la muralla del castru. La tien muchu bien cuidada, con merendero, bancos y paneles explicativos sobr’el meio nel qu’un s’alcuentra.
Volviendo Almaraz, en San Pelayo, facíase una romería dende pueblu, toos los nueve mayu, hasta que se cayou l’ermita, por eso hay un cantar que diz:
Día nueve de Mayo,
allí todo el mundo iba,
a comer buena merienda
y a bailar con alegría.
Como esto no mude de arte,
esta fiesta s’acabó.
No volveremos a la ermita
el dia nueve mayo.
Embajo la peiña, onde s’alcontraba la ermita, hay outra peiña esgastada, en forma de recipiente.
Dícese qu’elli, dende la peiña d’enriba, facíanse sacrificios, tanto humanos como d’animales, y dend’ellí cayía la sangre a la d’embaju.
Tamién cuenta el mio buelu, qu’ellí mesmu los moros exprimían l’aceite y s’arramaba en chorro la peiña d’abaju.
Como vos digo, ellí un alcuentra la gloria, anque tamién m’apena que dalgu tan indescriptible, esté abaldonao.
Dend’ellí, vese un paisaje atrayente del riu Duero, la Vega, el Soto l’Obispo, el Cañu, las llatas serpiantes, y muchos más parajes dend’un teso, una peiña onde s’alcontraba l’ermita de San Pelayo, y qu’enantes yera un castru.
Ye un sitiu tan glorioso, maníficu, arrogante, esplandoroso, con tantos calificativos que se le podría poner, que un se queda ensín pallabras que dicir, puis se quedan cortias ante rellumamientu d’esti entorno inigualable.
Viendo tou esto, fácete reflexionar sobre los sabíos que yeran los nuesos ancestros.
Qué bien sabían onde instalase pa defendese.
Un llugar inexpugnable por toos los flancos menos por un, dend’el cual tampouco yera fácil d’acceder, puis la mesma naturaleza que l’arrodiaba col riu y despeñaderos, la facían defendible a esgaya.
Asina yeran los castros, verdadeiros pueblos fortificaos.
Estando ellí, siento abondo emociones diversas y poderosas, que facen pensar que nun solamente escoyían el sitiu, por cuestiones de defensa, sinón tamién por ser un llugar cercanu a los Dioses, onde se pué sentir los sous aliendos sobre la faz de la tierra y en nos, los sous siervos mortales; pero a la vez, se llogra apalpar el Poder d’estos Dioses, un se siente semidios dende tan enriba.
Aprovechando esto, cuando llegonen los curas del Imperiu, y su poder de Estau, utilizonen el sitiu pa los sous rituales. Ellos tamién, bien se dionen cuenta que dalgu especial había elli.
Por eso, rebautizonenlu en devoción a San Pelayo, elli están los restos d’una ermita, y tamién una pequeiñas ollas, onde dicin qu’elli s’enterraba a los muertos. Tou esto, na mesma peiña. No mas altu del paraje.
Agora qu’escribo esto, alcuerdo la mia visita al castru de Vall’aigla, nel conceyu de Miranda del Douro; tamién fuimos a ver la sua ermita, tovía ellí tien tovía conservada parte de la muralla del castru. La tien muchu bien cuidada, con merendero, bancos y paneles explicativos sobr’el meio nel qu’un s’alcuentra.
Volviendo Almaraz, en San Pelayo, facíase una romería dende pueblu, toos los nueve mayu, hasta que se cayou l’ermita, por eso hay un cantar que diz:
Día nueve de Mayo,
allí todo el mundo iba,
a comer buena merienda
y a bailar con alegría.
Como esto no mude de arte,
esta fiesta s’acabó.
No volveremos a la ermita
el dia nueve mayo.
Embajo la peiña, onde s’alcontraba la ermita, hay outra peiña esgastada, en forma de recipiente.
Dícese qu’elli, dende la peiña d’enriba, facíanse sacrificios, tanto humanos como d’animales, y dend’ellí cayía la sangre a la d’embaju.
Tamién cuenta el mio buelu, qu’ellí mesmu los moros exprimían l’aceite y s’arramaba en chorro la peiña d’abaju.
Como vos digo, ellí un alcuentra la gloria, anque tamién m’apena que dalgu tan indescriptible, esté abaldonao.
Comentários