EL FIYU DEL TIO MODESTO Y LA TIA ROSARIO.

Parez que fui verdade, nun inventao.
Dicin qu’esti matrimoniu, que nun tuvo fiyos declaraos, resultou ser la polémica del pueblu por tener un fiyu escondío.
Cuentan qu’una mocica, d’unos veinteavos dicin, vecina d’estos, quedou preñada del Tio Modesto.
Dícinse muchas barbaridades, que se metía na cama cola pareiya, y cuando se diba la Tia Rosario a la jeira, se quedaba ella con él.
Que incluso, ella preparábales l’amuerzu.
Puis el Tio Modesto, que trabayaba na presa de San Román, muchas veces le tocaba el turnu de noche, y dormía pol dia, polo que cuentan que tamién, aprovechábase pa metese a durmir na sua cama.
Quedóuse preñada, y estando escondida de miradas endrento de casa en pleno branu, cuando mas jeira había y mas se la necesitaba p’apañar la senara, bajo l’escusa d’estar mala, acabou yendo a Zamora.
Dicin qu’el fiyu naciou con dalgu de discapacidá, y quedó internu nel orfanato.
Muchas cousas mas, se cuentan nos pueblos, inclusu mui macabras, como fiyos recien nacidos qu’apaecionen muertos ná mas nacer, y queda siempre bajo sospecha de ser asesinaos, esti ye’l casu de quien dicin matou al neñu nel pilón del augua del ganau cona ayuda de la sua madre y tias.
Tamién relatan como descubrionen a un neñu recien parido embajo la pizarra del suelu d’una casa.