LA PEÑA DEL SALTO LADRÓN.

Hay una peiña en Almaraz que tiene un preciosu romance burriencieganu:
“Avanza mio caballo,
prefiero morir ahogado,
qu’en manos d’un castellano”.
Esti cuenta como un moro escorríu por un guerreiro castellanu, llega a la ribera del Duero, en una zona onde se estrecha el riu, y dend’eilli, brinca dend’esta peiña hasta la outra ourilla, en término de Arcillo, perteneciente a Perigüela, na comarca de los jareros, Sayago.
Escuchando a l’agüela, tal como lo narra, face ver na imaginación, una película mental nel que perseguíu estí valienti caballeiru musulman, dempués de tantas lluchas, derrotao. Trota con su caballo, y siente’l aliendu del caballu d’un soldao que lo quiere matar.
De tanto correr, está reventandu el animal, ya nun pué mas, pero nun se rinde, quier siguir, pero, se acaba el carril.
Todo lo que le arrodia ye riu, y na retaguardia el enemigu.
Nun quier morrer nas suas manos.
Y salta, desenfrenao, desquiciao pola derrota, afuyendo como un llobu, con un único instinto, la supervivencia.
Justu nesti saltu, cona fuercia de las pezuñas, deija la marca fundida na peiña, eilla la afayareis, no más altu.
Pa llegar, eiqui siguir pol camino del saltu ladrón, atravesar el Quiñón, Valdedodes, y muchas más tierras, enantes semadas y agora de llabrau.
Pero, se acaba el carril, y hay que andar un buen trecho atravesando el campu.
Llegas cerca del riu, y pa ver las fuellas del animal, hay casi escalar.
Nunca creas que mucha genti, tienlas vistas.
Onque tou’l mundu conoza esta llienda.
Esta ye una las razones polas que se llama esta peiña Salto Ladrón.
Hay outra llienda que me cuenta la mi agüela, que ye la del bandolero “EL MOZO”, en eilla dici q’un rapá sayagués, perigüelano pa mas señas. Cansau de trabayar, y ver tantu caciquismo e injusticia, y sufrir tantas jeradas por parte de los marimandones de su pueblu, y véndose afuyau, ensin poder vivir en paz; fuéise al campu, a vivir como un bandido.
Enantes de dirse, el sou padre fácele prometer, que nunca matará a nadie, y ayudará a los cuitaos, esi le empuntióu a ser un lladrón honrau.
Eso fizo toa la sua vida, cumpriendu cona sua dinidá y la sua promesa.
Asina fuei y ye reconocíu,
Y debido a ser tan rapá y con cara de tan neñu, pusiéronle el mote de “EL MOZO”, asina ye conocíu hasta los nuesos dias.
Cuenta la historia que perseguíu pola autoridá, y viendo peligrar la sua vida, saltou dende la ourilla sayaguesa hasta’l término d’Almaraz, na parte onde se estrecha más el riu Duero, y además está más encañonao.
Justamente nesti saltu, deijou las suas marcas delantreiras de la caballería qu’el montaba sobre la peiña na lliende d’Almaraz, y por esu esti nome: “la peña del salto ladrón”
El que fizo tanto bien, mangando a los ricos, repartía a los oprimidos, y en honor al sou padrí nunca matou a nadie, según toos los que la cuentan.
Estas mesmas guellas son las que esplican la llienda del saltu del musulman.
Fuei asina, comu algamou la llibertá.
Uno se imagina al Mozo escapao d’una redada, como los nuesos héroes de la infancia, la televisión y los tebeos, meio desnudo na mañanada, cabalgando, con un simpre trabuco na manu, salióu vivo de la trampa, dempués de andar brincando polos teyaos, sudoroso y asustao.
El, agora cansuto y sintiendo a la guardia civil en su busca, p’aprisionalo. A saber que farían con el.
Pero trunfante, por su escapada.