LA HISTORIA DEL FUGAO DEL EJÉRCITU.

Esta ye la historia d’un tíu de la mia güela que forzosu de dir a la guerra, nel serviciu militar, escapóu de las filas, desertóu y volvióuse pal pueblu, a Almaraz, en tiempu de Navidá.

La guerra nun sei dicivos cual yera, seguramente la d’África.

Sea cual fuese, fuí el primeiru y únicu insumisu na mia familia.

Escorrióuse de la cárcel, onde lo tenían aprisionáu, y na soledá de la noche presentóuse nel pueblu, afuyendo de los guardias.

Y asina, brincando de teyáu en teyáu, nuna Noche Buena, allegóuse en ca la mia tataragüela.

En plena cena, una vecina entróu en casa, pola caleya Las Peñas, anunciando asustada que'l sou fiyu escapóu del ejércitu, al que tuvo que dir obrigáu al nun poder pagar l'impuestu que eximiera d'esta imposición. Esto ye lo que pasaba a los trabayadores y campusinos, que vivían na miseria, mientres que los ricos podían escapase al pagar las tasas.

La mia güela cuéntame esto, sufriendo, viviéndolo como si nesi momento lo estuviera viendo y oyendo.

Sintiendo las pisadas nel teyáu, mientres que la mia tataragüela sufría y clamiaba a Dious, que se fuese del pueblu, pues non solamente diba a cayer en desgracia el sou fiyu, sino tamién tola la casa. Que además, estaban tola familia congregada.

Asina, siempre que llega navidá, la mia güela alcuérdasele y revívelo mientres lo cuenta.