domingo, 19 de novembro de 2017

EL BUENISMU QUE SE DESVELA.

 

La cuestión de catalana está amostrando’l verdadera cara de mucha xente, que va de buenista, lliberal y demócrata, mas cuando llega la hora de la verdá, y véi qu’hai xente que se solidariza cola causa catalana y el sou puebru, escontra la represión de las fuercias del Estau. Estos antruejos, estas bisparras reaccionan amostrando rialmente que son, llobos con pellexa de cordeiru, un abanton matreru .

Pido perdón a estos seres que nun tienen delitu, nin son unos falsos, solo quieren subsistir.

Pos cuayu y pouca vergoña hai que tener, amparalos, conociendo la vieya historia y fresca d’estos espantayos uniformaos, yá qu’esos servicios qu’auxilian a la sociedá, nun pueden ser la excusa, nin son lo prencipal, nin el fundamentu de la sua constitución.

LA CÁRCEL DE TOPAS, EL CERUTE QUE S’APARVONA.

Entrar na Cárcel de Topas produz un espantosu efectu, nun solo pola edificación en sí, sinon también por tol fedor que cheira, y que ye vergoñante pa tolos visitantes, que nos facen cuidar que si esto nos lo facen a nós “pubricamente”, que nun facerán a los presos drento de los muros, neste ámbitu privau.

La roña que s’atopa nel suelu, nas paredes, teichos, etc lleva ende tanto tiempu, en tolos requeixos, que yá nin se treslluz el brancu, pos todu está mariellu, enlleno de ñácaras.

Los servicios yá son lo más de lo más, de lo sucios qu’están, escontrariu a cualisquier mínima decencia y salú, pos todu ye una cotra interminable, con muchos grifos rotos, ensin augua, cañales atascaos, retretes ñegros, con restos por tol suelu.

Los llocutorios onde se comunican presos y visitantes, están enzafurniaos y sucios, los cristales nun deixan ver al amigu ou familiar presu, pos nin se llavacian ordinariamente.

Todu esto nun vien d’un día pa outro, ye dalgu que se va emparvando de sumana en sumana, por meses y años.

ENRECORDANDO LA REVOLUCIÓN SOVIÉTICA.

No bebas papá" D. Bulanov, 1929

 

"Esto es lo que le podrías haber comprado a tus hijos por el precio de un litro de vodka" 1930

Estamos nos 100 años, en qu’escomenzóu la revolución soviética.

Por ende, entamóu una de las partes más importante de la historia de la humanidá, na que los trabayadores del campu y la ciudá uparon las armas nun p’atacar a los trabayadores d’outro país, sinon pa soltase del xugu, de los poderes opresores, de la sua autocracia nacional, y por efectu, desempenase de las convanidas folasteras.

Nesta xeira llaboriaron pa cumprir col dichu, qu’ensin igualdad, nin xusticia nunca habrá llibertá.

Pagáronlu mui caru, escontra toda crase de ñemigos, duas guerras mundiales, una guerra civil, continuas amenazas imperialistas y nucleares.

On asina, siempre pescudaron el xeitu pa fomentar la salú y el buen vivir, con muchos esfuerzos, que fueron traicionaos pola burocracia.

De todu esto, Sholojov escribóulu nos sous Cuentos del Don, una llectura a nun faltar.


Los vuesos arguyos y caminos de puebros contra un nuevu mundu, nunca será esqueicíu.

"La noche no nos impide trabajar" B. Reshetnikov y A. Dobrov, 1956

 

 

LOS PARAMILITARES POLA SALVACIÓN DEL MONARCOFASCISMU.

 
Los canelos y l'amu

Siempre amentan que los grupos de “ultradereicha” nun tienen poder, craramente, nun están nas Cortes cumo tales, pero bien qu’alburdecen cuando se les precisa.

Esto siéntese mui bien nestos momentos, anguañu, cuando hai abondo conflictos de veras, na caleya; nas instituciones que s’esboronan el rexímen del 1978, cumo sucesoras del golpe del 1936.

¿Toda esta xente de cabezas rapadas onde estaban esculadas? , aguardando’l sou momentu, cuando los sous amos les esapechen el tenedor, y salgan vociando, abanando, apavoriando.

Asina lo facen agora, y asína lo ficieron, nos 70 y nos 30.

 

sábado, 18 de novembro de 2017

EL PAÍS DE LA OTAN

 

EL PAÍS ye de pena, parez l’organu oficial de la OTAN, nel tema catalán, defendiendo’l terrorismu d’Estau nel enzolu ensin miramientos nin vergoña dalguna.

Nun m’esqueiceréi cumo pubricaron unas entrevistas de “expresos antifranquistas”, amentando cumo los defensores y declaradores de la República catalana nun yera política.

Que lo que facían los republicanos catalanes ye talmente illegal, merecían la cárcel, y nun dir de presos políticos, cumo ellos yeran, enantes.

LAS ANDORMAS COMUNALES vs. COLECTIVIDADES SOCIALISTAS

 

Una de las grandes diferiencias entre las andormas comunales tradicionales y las colectividades socialistas ye que las primeras aporvechan los recursos naturales y del común pa usu privau ou menistran en conceyu y vecindá los recursos ou medios de producción privaos.

Mientras que las colectividades socialistas trabayan y xestionan cooperativamente los medios de producción colectivos pa un beneficiu social ampliu, la plusvalía queida pal beneficiu colectivu, mientras que los cooperativistas receben un salariu y unos servicios pa vivir, dende la colectividá.

Rialmente, la esencia ye mui diferiente, y siempre critican a la Uñión Soviética d’acabar colas costumes comunales qu’había nel campu, envede respetalo y emplegar los sous conocimientos, mas lo que fizóu fui afondar nestos.

Lo que casi naide critica ye cumo’l sistema capitalista acaba con todas estas costumes comunales fomentando’l individualismu y l’enchugamientu del campusinu, promoviendo más la sua faceta burguesa, de propietariu, envede su faceta de vecinu, de trabayador en comunidá, esgarrafando on más tolo que yera las comunidades rurales.

Ante esto, los “llibertarios”, con outores cumo Félix Rodrigo Mora, que lo ven dende la ciudá, dende una visión descontestualizada y con una mentalidá pequeñu burguesa, cumo yera esta sociedá precipalmente agraria, que estaban aspersas unos a outros pa producir, pero que nel momentu del beneficiu, na comercialización, yera un acto puramente privativu, nuna economía de mercau de cercanía.

Anguaño, estamos nun sociedá que nun precisa de tanta pobración agraria, a causa del desendolque tecnolóxicu, con un mercau cadavé más ampliu, cuyu campusinu yá nun ye un vendedor final, sinon simplemente productor pa un comercializador.

También, el campusinu ye avenido de factorías bien llonxadas que producen capital fixu y variable, “inputs” que cría una rendimiento más intensivu del tiempu de trabayu, anque p’amuelase la xeira sigue siendo casi tan llarga cumo enantes, en poucu diferienciase de lo que yera.

sexta-feira, 17 de novembro de 2017

LOS ENGURRIOS EN ZAMORA

http://cadenaser.com/emisora/2017/06/02/radio_zamora/1496414034_943138.html 

Huelga de hambre para parar un embargo

 

 Los engurrios qu’hai en provincias cumo Zamora son fundamentalmente pol esallugamientu, son casi siempre, pequeños propietarios que cuando había un desendolque económicu s’empufaron pa la especulación, mas cuando se cayóu la economía de mercau, viéronse con unas deudas que nun podían escotar, y se pueden ver na caleya ensin vivienda nin medios de producción pa vivir, y de por vida.

Estas griescas son muestra de la estructura socioeconómica d’estas tierras, que na sua mayoría son pequeños propietarios que crían el sou puestu de trabayu, yá que nun hai rialmente centros abondo importantes pa absorber tola fuerza de trabayu, colo que, uñíu a la masiva emigración por falta y meyora de condiciones económicas, precipalmente; los que queidan son aquellos que tienen unos medios de producción mínimos que les permite vivir, incluso desenrrollase, colo que empatáu con una amplia pobración funcionarial y alministrativa (aristocracia obrera) y de pensionistas, fomentan una sociedad cochada, amurniada y mui reaccionaria al progresu social, y más cercana cumo muchu al humanitarismu y la caridá, viendo cumo muerre socioeconómicamente’l sou alredor.

L'ENZOLU DE LA SUPERPOBRACIÓN

Hai dalgo también a tener en cuenta, la pobración humana nel planeta ye enorme, y nos países más cuitaos, nun son los más faltos de recursos, sinon los que sofren más desigualdá.

A mayores, son los más ricos en materias primas, son los que tienen más natalidad y más rapaces n’edá de trabayar y fertilidá, polo que, y está demostrau que cuando meyora la calidá de vida, la sanidá púbrica y la educación sexual, disminuye la natalidad, polo que se llibraría del enrudiu de l’alimentación ante la superpobración. Acabaríamos col enzolu de precisar tresxénicos p’asistir a la pobración en demasía.

UNA AGRICULTURA SOCIAL POR Y PA LOS OBREIROS

Hai un problema mui importante drento de la retaguila que nun tien en cuenta l’agricultura ecolóxica, que ye la cuestión social.

Na agricultura hai crases sociales, y que si se quier lluchar escontra l’agricultura tresxénica, hai que defender una agricultura social, por y pa los obreiros, qu’abasteza de buenas mercancías, asequibles, cercanos inclusu educativos -una agricultura qu’enseñe nel respetu nel mediu ambiente y fomente la salú, cercana y porqué non, con cierta autosuficiencia, cumo un ociu non consumista cumo’l d’anguañu.

Con esto nun quiero dicir, que nun vaiga a favor de la innovación científica y técnica, nun ye nin buena nin mala, depende cumo s’use, ye buenu si se consigue lliberar tiempu de xeira y d’esfuerzu a los campusinos, mas desgraciadamente solo s’emplega p’aumentar la plusvalía tanto relativa cumo absoluta.

Esto sirve tamién pa los llabradores y los ganaderos anque seyan pequeños, rialmente lo que son, son “falsos autónomos”, cumo se llama agora mesmu, que facturan la mayor parte pa un solo cliente, depende d’un cliente, que rialmente ye’l sou patrón.

MÁS POBRACIÓN AGRARIA YE'L FUTURU

Craramente, anque la tecnoloxía quite muchu personal de fuerza de trabayu na producción agrícola ecolóxica, esta sigue usándose más que nada na producción convencional, pos la primera tien qu’emplegase más xeira n’esyerbar mecanicamente, que na segunda.

Por eso, seguramente, si todo fuera agricultura ecolóxica, precisaríamos más de pobración agraria, mas cuido que ese nun ye un gran problema, primeiru, porque, anguañu la pobración agraria sigue siendo na sua mayoría sobresaturada en horas de llabor, nun lo facen tanto fisicamente, mas bien intelectualmente, menos intensivo en fuerza, pero casi lo mesmu extensivo en tiempu llaboral.

Tampouco pasaría nada que hubiese más pobración rural nun momentu en que las ciudades están sobresaturadas de pobración, mucha d’ella improductiva y socialmente innecesaria.

Nun séi si te consigo convencer, pero inclusu ONGs nada revolucionarias cumo Manos Unidas, pedrican de que l’enrudiu que tenemos nel mundu nun ye la escasez sinon la desigualdá.

quinta-feira, 16 de novembro de 2017

PA QUÉ LOS OXMs

 

Craramente, cola maquinaria se facilitóu la xeira, pa bien, mas a costa d’empufase los llabradores, y siguen siendo, enantes siervos de los aristócratas y agora siervos de los bancos, las eléctricas y las mercantiles.

Cola tecnoloxía d’anguañu, nun se precisa tanta fuerza física intensiva de trabayu nel campu, pa cuestiones cerealistas, mas el campu, nun solo ye esto, si non tamién forestal, y mientras el ganáu está zarrau asistiéndose con miyu y soya tresxénica, venida na sua mayor parte d’América, el nuesu campu ye un llumbre continu, pos tenemos una masa forestal en sebes, escobas, pinares, ucalitos que se chiscan cola simple mirada, yá qu’el ganáu en muchos llugares nun conoz lo que ye’l campu. Mientras las cortinas y los güertos nas aldeyas nun se siembran, porque lo carian los xabariles, los ciervos y corzos, nos nuesos comercios vienen de cientos y miles de kilómetros, frutas y verduras insípidas, que muchas d’ellas van a la basura.

¿Pa qué queremos los OXM? Nun se necesitan.

sexta-feira, 10 de novembro de 2017

DEL CAMPUSINU TOL MUNDU APORVÉCHASE

Anguañu, muchas tierras comunales n’África, están siendo apañadas por empresas indias, árabes…, pa producir contra la sua pobración, mientras los campusinos de la rexón, quéidan ensin tierras qu’alfayen pa cariar. Pasando ellos mesmos fame, mientras esta producción de soya y miyu, e inclusu frores s’exportan.

Puedo aventurame más, cola agricultura escomienza haber excedentes na economía, con estos entama esistir crases que nun precisan trabayar la tierra direta nin indiretamente, sinon de los impuestos contra outra parte de la pobración.

Esto a lo llargu de la historia, fuí profundizándose más.

Colo que s’amuestra qu’esta agricultura y ganadería artesana, tamién fuí meyorándose y especializándose, pa tener cadavé qu’alimentar más pobración alministrativa, urbana y non campusina.

La economía feudal, especialmente rural, que duró n’España hasta’l sieglu XX, cola sua producción artesana, daba de comer a esgaya de parásitos, con múltiples impuestos y tasas, qu’arriquecían a una pobración improductiva cada vé más numarosa.

L'AGRICULTURA ECOLÓXICA NEL MONOPOLISMU

Nun quiero dicir con esto que l’agricultura ecolóxica estéi evitando este monopolismu, nin muchu menos, esta agricultura está siendo parte monopolizau por las distribuidoras, cumo a cualisquier outra agricultura, inclusu, yá sabes qu’está prohibíu l’intercambiu de grana entre los agricultores.

Los que defienden l’agricultura tresxénica dicen con tola razón qu’esta nun fá muchu más de lo que fá l’agricultura universal, pos simplemente favorecen unas especies frente a outras, y la agricultura ye eso, favorecer unas especies de las qu’apañar frutu, escontra outras que nun interesaban.

L’agricultura dende’l sou orixe ye una estructora de biodiversidá, pos lo primeiru que facía los campusinos yera esyerbar pa que crezan y se desendolquen unas prantas en detrimento d’outras, depués cuando consiguieron deprender la técnica de la siembra, lo que facían yera cuando llegaban a un llugar, queimalo, pa poder sembrar.

La diferiencia fundamental ye que la tresxénica ye un problema mundial, onde afecta a todos, ya que hai llugares que nun pueden sembrar nengún outro miyu, yá que se contamina con miyu OXM, esto ye indiscutible y demostrau na práctica. Y los que s’arriesgan, pueden ser trizaos y penaos, por “aporvechamientu illegal d’esta xenética” ensin autorización nin compra.

Mientras que la grana de los campusinos se podía intercambiar entre ellos, y arriquecer la xenética llocal y rural, agora estos monopolios, obligan a qué le merques.

sexta-feira, 3 de novembro de 2017

LA GALUCHA DE LA NECESIDÁ

Estamos nun momentu, nel capitalismu pedrica qu’hai que producir más, más “eficazmente”, anque seya con Organismos Xenetivamente Mandonguiaos, mas esto contrapía cumo l’Estau y la Uñión Europea está subvencionando pa que nun se produza. Un exemplu bien estenu, ye la custión del lleche, de los llacteos que pa que nun s’esmurrien más los precios están empuntiando a los ganaderos pa que se dediquen a la producción cárnica y nun al lleche.

Pueden dicir que todu esto socede gracias a la “Revolución verde”, a la industrialización masiva del campu. Si ye gracias a esto polo que se da faldrada, ¿pa qué necesitamos entós más OXM?

Simplemente, los OXM, son un elementu más del sistema capitalista pa fomentar el monopolismu na fase productiva del campu, na que todas estas granas que s’emplegan, hai que las mercar a los monopolios (los mesmos que tienen el monopoliu de la distribución y el comerciu), pagando asina unas tasas xenéticas, estando prohibida la resiembra.

quinta-feira, 2 de novembro de 2017

VISCA LA REPÚBLICA

VISCA LA REPÚBLICA CATALANA.

Ye un honor poder ver, almirar cumo declaran la república catalana.

Una gurumela pa todos debe ser, ver cumo deseyan escachar las cadenas del fascismu de 1936, y todu’l caminu que lleva recorríu, cola transición.

Ye dalgo históricu, que nunca esqueiceremos.

UPA’L PUEBRU CATALÁN

El 1 Outubre fuí l’escomienzu d’una resistencia popular que será empuntiu pa todos.

Pos nun les deixaban vota, y votaron, y asína, forzarán a volver al xugu monarco-fascista, pero ellos chacuyaránlo.

sexta-feira, 25 de agosto de 2017

¿L'AGRICULTURA ECOLÓXICA PODRÍA ASISTIR A LA POBRACIÓN MUNDIAL?

Qué si l’agricultura ecolóxica podría asistir a tantos millones de pobración qu’hai anguaño, craramente, en cifras macroeconómicas, cumo se diz, nun lo séi a ciencia cierta, mas lo que si séi, ye qu’el “problema” del capitalismu nun ye precisamente la pouca producción, la escasez, la falta, sinon, lo que cría la crisis alimentaria, polo que sufre tantas calamidades tantas personas, ye la desigualdá, l’acumulación nunos poucos.

 

Agora mesmu, entovía nun se produz rialmente casi nada de Organismos Xeneticamente Modificaos, más conocíos por Tresxénicos, pa l’alimentación humana directa, agora lo que se produz ye destinu al cebo d’animales.

 

Todos estos “Tresxénicos” úsanse pa piensos, cumo’l miyu, cumo la soya, precipalmente.

 

Pa esto, está ocupándose grandes territorios que nun producen alimentos, cereales, verduras, frutas, hortícolas, tubérculos… sinon grasas y proteina animal que son los elementos que menos proporción precisamos na dieta y si vitaminas, i hidratos de carbonu.

sábado, 19 de agosto de 2017

L'ARQUITECTURA DEL BARRU: CONDELGADA



La Arquitectura del Barru desgraciadamente ye la que menos s’está cudiando, la menos amparada, la qu’arroñan y la que más s’están arroñándo nas aldeyas.

Parez un misteriu, cumo la tierra moyada, puede criar una construcción tan mazacote, dura, qu’incomunica tantu y tan bien de los fríos y los calores, con un material tan cercanu y “cuitau” cumo la tierra, una tierra húmeda que llimpa d’impurezas, cumo las chinas, que la puede escachar cuando se seca, puede facese mui resistente tanto nesta forma de adobe, cumo en tapial.

Neste segundu xeitu, inda me parez más increyible, cumo encalcando y encalcando la tierra, fácese morteru.

Tolo que precisa estas paredes, son un mantenimientu antihumedades, que nun le pingüe agua nin por riba, nin por baixu.

Por eso, nel suelu suel usase outros materiales que nun se espipan pola humedá, cumo la piedra -morrillos, cantos-

Siguen faciendo adobes, non tanto tapiales, mas estos primeiros, pueden facese col sobrizu de ciertas máquinas que favorez esta xeira, cumo la hormigonera, envede masar a pie, y una prensa, neste caso manual. Asina, todu esto y más cousas, estaba n’Amayuelas, nuna aldeya de Palencia.

Esta aldeya, ye conocida’n ciertos ámbitos, cumo núcleo que pretende defender, estudiar y dar exemplu sobre la xeira campusina y rural, anguaño.

Con esta filosofía promueven y crian pequeñas microempresas qu’aporvechan los recursos rurales cercanos, defendiendo amás, la práctica de l’agricultura ecolóxica.

quarta-feira, 9 de agosto de 2017

SAN PEDRO: EL COMERCIU BRACERU.

Las ferias y fiestas de San Pedro cadavé son más fiestas y menos ferias, mas nunca fueron asína; ya que todu se vende por cooperativas y distribuidoras.

Yera una ferias de las más importantes, feicha bien señalada pa vender productos y pagar deudas, qu’incluso s’anotaba nos contratos d’empresta.

Amás, también servía pa posturar cumo fuerza de trabayu pa la siega, que drento de pouco yera, yera inminente.

Sentánbanse los obreiros nas Tres Cruces, asina s’amuestraban pubricamente pa que fueran contrataos pal branu.

Pouca diferiencia hai, colo d’agora, si qu’asi, agora todu está más automatizau i informatizau. Mas la esencia ye la mesma. Solo hai que ver cumo s’arrutian los inmigrantes nas plazas y caleyas pa que venga un “carru” y ensin más, llevándose a los que le parezan a la xeira.

CHACULLANDO'L RIF.

 

Este territoriu tan desconocíu de Marruecos, que formóu parte de España, ye modelu de respetu ante l’autocracia fascista del rei y tol sou Estau.

Mas naide sabe nada, pos los medios de propaganda burgueses solo cuentan aquello que l’interesa a los sous dueños banqueros, pos están continuamente envelenando y mintiendo, ensin vergoña nenguna, cumo si l’Estau venezolano fuera dictatorial, mientras que de Marruecos, nada se sabe.

Solo saben meter bozacu pubricamente, tentando emparientar estas lluchas populares col islamismu.

Mas, la rialidá nunca debe ser entoñada, y cumo col Sahara, la dictadura fascista marroquí debe arroñase, que lo sepa el sou amigu’l nuesu Rei.

LA GRIESCA HIPOTECARIA

Muchas de las lluchas qu’hai na cuestión de las deudas hipotecarias son debidas a propietarios que n’época de crecimientu económicu s’enriquecen y piden créditu pa reinvertir mayormente. Entuences llega’l momentu de cayía económica, nun pueden escotar, y pueden vese na caleya nun solo ensin las propiedades endeudadas, sinon también aquellas que tenía ensin deuda.

Por eso, los llabradores d’esta tierra, que son propietarios, son los que crían el sou puestu de trabayu, pos nun hai rialmente outros centros de trabayu que absorban nin se véi actividá económica abonda que amuestren outras mínimas oportunidades llaborales.

Polo que queida ye, ou ser emigrante ou “ser un pequeiñu burgués” a la fuerza.

Estos campusinos tienen los cimientos en barru, pos anque amuestren mucha maquinaria, tola sua actividá está financiada. Mas estos, son los únicos que pueden vivir con unos medios de producción mínimos pa desenvolver un xeira agraria.

Este sector encasau cola pobración “funcionarial” y de pensionistas, envisca una sociedá mui reaccionaria qu’encimienta colos sous votos y valores, el sistema y el réxime nel que vivimos.

terça-feira, 8 de agosto de 2017

LA SIEMPRE AMADA, RUTA DE LA PLATA.

La ruta de la plata nun tien agora la importancia que podía tener enantes, cumo eixe vertebrador de la península, nel que corrían y se tresportaban culturas y mercancías, tanto económicas cumo de guerra.

Especialmente importante na Corona de Llión, enantes col Imperiu romanu, y enantes inda, yá venía col nomadismu de ganau, y con este también, la vida cultural de diferientes reinos y rexones.

Craramente, cola constitución del Estau español, con sede central en Madrid, desendolcando una economía de mercau común español, planiú una rede de comunicaciones centralizada na Capital, mientras que el restu de comunicaciones tresversales, abandonáronse, a lo que s’uñe’l crecimientu de la pobración y de la concentración del capital financieru que demanda más en medios de tresporte, desenvolviéndose’l sistema radial, mientras qu’el restu del interior de la península diba vaceándose más y más, colo que se trasfulgaba la vía férrea.

Mientras la autovía nun acababa de facese.

Date cuenta, cumo yera de importante esta ruta pa los romanos que sacaban l’ouru y demás recursos del interior contra’l Mediterraneo, servía pa controlar el territoriu, moviendo facilmente tropas y comunicando capitales como Lugo, Estorga y Mérida.

RAZONES PA LA INDEPENDENCIA

Los sentimientos d’un colectivu pa sentise uñíu tien muchu que ver cola llingua que falan, y la cultura común que tien, pero eso nun tien nada que ver, directamente con que se solicite y demándese l’autonomía ou la independencia, nesto tien que ver más las cuestiones económicas.

Castelao, neste tema, teníalo bien trabayau, el queida bien estenu qu’un grupu fácese difierenciar de los vecinos, polos rasgos culturales comunes, mas, pa que quieran criar un Estau- Nación propiu, entran outros factores qu’enratan. Estos son los intereses económicos arrapean a sectores sociales baxu una mesma conciencia, pa pidir un Estau propiu y diferiente del Central.

Está bien a la vista, que la identidá gallega está enraigada, anque la sua llingua seya pouco más considerada cumo de “coros y danzas”, yá qu’esta, está perdiendo falantes, a pesar de la sua oficialidá, pos el franquismu y las inmigraciones ficieron del gallegu una llingua de sectores populares, cuasi analfabetos, con un mediu rural despobrau. De tal xeitu, que los gallegos fueron castellanizándose. De ende, bien esta situación d’anguaño.

Por todu esto, si fuera por cuestiones culturales, l’América Hispana nun se hubiera independizau, mas los intereses económicos fueron fundamentales pa que unos crases burguesas y terratenientes criollas, que tenían cargos importantes na alministración española, incrusu militar, drento del imperiu, escomenzaron a plantiase encabezar sublevaciones escontra la metrópoli española, porque oservaron qu’el mercau español yá yera mui escasu, y quería comerciar con outros Estaos más amplios y upantes, cumo’l británicu.

Yeran tan españoles cumo los d’Europa, pos tenían cultura castellana, yeran descendientes d’españoles y aborrecían tamién las culturas indíxenas, mas con outros deseyos mercantiles, lo que los difierenciaban de los españoles europeos.


sexta-feira, 24 de fevereiro de 2017

EL NACIONALISMU ESCONTRA'L FACISMU.





Alfonso Daniel Manuel Rodríguez Castelao, un antifascista, ye unu de los rasgos más importantes que tien, pos siempre plantia qu’el nuesu mayor ñemigu ye’l facismu.

La uñidá de tolas las fuerzas republicanas, nacionalistas fui la sua mayor contribución a la causa pola democracia y la llibertá.

El anque nun estuviera a favor de las ideyas del marxismu, siéntose cercanu a él, pos via que yera una teoría parámetros y ferramientas de trabayu ideolóxicu bien útiles y necesarios pa definir nación, identidá, y concretalu especialmente nel casu gallegu.

Este xeitu de pescudar tan organizau, faise una llectura de SEMPRE EN GALIZA gayola y entreteníu.

Ante todu, quiero honrar a CASTELAO, pola sua  griesca pola llibertá, siendo consecuente con ella hasta l’exiliu, siempre respetosu colos outros puebros de “Hespaña”, con tolas suas culturas, tradiciones y historia.

Pos tenía craru, que si non s’amaba las llinguas y culturas dende l’Estau, este nun podría tener futuru, nunca sería queríu pola pobración, pos la uniformización y aculturización será furada.

Nun estaremos d’alcuerdo los sous análisis históricos, económicos y culturales que fá de Galiza, pero quiso fundamentar d’una maneira razonada lo que ye un sentimientu de querer al sou puebru, a la tierra  y a las crases populares trabayadoras. D’esto, tenemos muchu que deprender los zamoranos.

Salú Castelao, la tua xeira está con nós, pa siempre. Nun t’esqueicemos, pos la cultura gallega ye parte de nós.


LA IMPRECISIÓN DE LA DEFINICIÓN





La verdá ye qu’el deprendemiento de la realidá tanto social cumo de la naturaleza, ye sumamente difícil, y más ye’l describilu, ensin cayer en categorías imprecisas, por eso, veyu tan importante la llei de la dialéctica, nun solo cumo aquellos elementos que definen el mundo, sinon también de los elementos que definen la conocencia, a traviés de la crítica y la autocrítica.
Anque realmente ye bien difícil facelo, pos tenemos tendencia a escuchar a nuestros pensamientu y dispreciar y desarredase de lo nuesu.
La llei de la uñidá de los escontrarios, parez de meigas, cumo un imán anque s’escache en más y más cachos, siempre va mantener los dous polos, esto pasa tamién na sociedá.

quinta-feira, 23 de fevereiro de 2017

L'IDEALISMU ESTÁ AGAÑAU, MAS NUN LA ENDIÑA





Anque parez que los idealismos están nun richabo polas sapiencias científicas y tecnolóxicas, consagrándose a la cuestión “depués del espiche”, mas sucede que debido a la inorancia social de los guipamientos científicos ou de cúmo furrula la tecnoloxía, y de la sua influencia na presencia y cultura humana, fá qu’haiga personas que sigan pescudando maxicamente la realidá y los procesos.

La enrebelación idealista sigue desenrollándose muchu, plantiando que nun hai materia, que todu ye enerxía, qu’esta enerxía se tresforma nun cousa ou outra. Estos cuidos macean, anque s’apalpen y puedan pescudase oxetivamente la materia.

Todu esto sigue mui extendíu, más de lo qu’un cuida.

Ye bien estenu, qu’esta ideoloxía ye necesaría pa poder fundamentar la creyencia de qu’anque se fiñeza, cumo semos enerxía, nun se puede esfungar, simplemente, múdase n’outra cousa, n’outro ente.