BIOLOXÍA: UNA HISTORIA DE FUTURU.

 

Bioloxía: una historia de futuru

Xosé María Fernández

ISBN: 84-8053-165-7

Edición: Primera

Páxines: 272

Fecha d'actualización: 17/12/2009

Formatu: 12 x 18 cm

Idioma: en llingua asturllionés central.

Este llibru pretende amostrar a tol mundu cumo tolas llinguas sirven pa esponer, explicar y describir científicamente una rialidá tan cercana cumo interior, que ye lo que hai enredor y lo que semus nós, la nuesa constitución material, que ye la base fundamental de la conciencia y l’ánima.

Tal cumo vién nel manual: “Xosé María Fernández nació n’Uvieu en 1968. Llicenciáu en Bioloxía pela Universidá d’Uvieu, trabaya anguaño nun llaboratoriu na Universidá de Cambridge, en Gran Bretaña, dedicáu a los estudios de bioxenética”

Tamién cumo describe’l llibru, l’outor n’outru tiempu, llamaríamos un científicu humanista, apasionaú pola buena lliteratura y realizóu unas excelentes traducciones cumo “L’extrañu” d’Albert Camus, y “Pelleyu de badana”, d’Honoré de Balzac.

Tamién talu cumo fala’l llibru nel escomienzu, cumo prólogu, amostrador del estudiu:

“Nestí rigurosu manual nel que se repasen tolos conceptos fundamentales de les ciencies biolóxiques, amás de traducciones de testos fundamentales d’esta disciplina.

Nesti rigurosu manual, el primeru que s’escribe y publica sobre bioloxía n'asturianu, l'autor fai un repás históricu non solo al nacimientu d'esta ciencia como tal, sinón tamién a l'apaición del home y los sos antepasaos. Pon asina al descubiertu'l procesu de la vida, resaltando la primer característica del ser vivu: la capacidá de facer nuevos seres vivos. Un estudiu detalláu de Mendel y los pruyimientos que lu llevaron a enunciar les lleis poles que ye conocíu, y otru de Darwin y la so teoría del evolucionismu, xunta la pormenorizada descripción de la relación que la bioloxía tien con otres ciencies, fain mui atractivu esti llibru, a la vegada que nos abre los güeyos sobre les distintes, variaes y apasionantes aplicaciones d'esta ciencia. Una breve y clara relación, ordenada cronolóxicamente, de los homes y muyeres qu'acomuñaron nel avance científicu de la humanidá, y un glosariu de dellos términos biolóxicos básicos, permiten al llector nun topar pilancos que-y torguen la llectura. El llibru complétase cola primer traducción al asturianu del testu fundamental de Mendel y con otru, menos conocíu pol públicu, de Watson y Crick sobre'l DNA. Amás del so interés científicu induldable, esta obra contribúi de manera fundamental a la ellaboración d'un estándar científicu pa la llingua asturiana”