LA ÉTICA SOCIALISTA. EL SENTÍU DE LA VIDA SOCIALISTA Y HUMANISTA.

Nestos momentos de cresis, ye cuando más se pioran los problemas de fondu, estructurales, organizativos y amuéstranse ante la sociedá con más dureza, yá que apaecen más masivos en cantidá de personas que lo sofren y las suas necesidades son más mayores. También en calidá, pos las necesidades d’estas personas son más variadas.

Por eso, cuando una gran cantidá de personas sofren más o menos lo mesmu, y nun tienen respuesta individualizada. Colectivamente, pueden espertar nellos un sentimientu d’uñidá y solidaridá pa solucionar y demandar soluciones. Esa cercanía social ye unu de los elementos fundamentales del sentíu de la vida individual.

La unidá de la humanidá que tiene unos mesmos intereses y reconocen las causas y sus responsables, diferienciase muchu d’aquel humanismu que tanto quieren vender de que todos tenemos los mesmos problemas sociales, ecolóxicos, que las causas provienen de la humanidá mesma, cumo si la humanidá fuera dalgo ayenu a unu mesmu, cumo si fueran cuestiones divinas y folasteras.

Con estos problemas, ye onde se pué guipar la gran diferiencia entre la ética capitalista y la socialista, pos la primeira básase nun humanismu amorfu, buenista y con una ética relativista qu’ampara’l individualismu, pos lo colectivu nun se palpa más acullá de la familia cercana, y la masa vése cumo un montón ensin carácter onde nun se critica l’egoismu pos se precisa pal crecimientu económicu, y asina queida la palabra solidaridá confundida cola caridá más o menos organizada.