YE PRECISU FILOSOFAR.

Ye precisu filosofar, porque uñíu a la ciencia natural y al progresu técnicu, precízase humanidá, amás, alvertimos gran diferencia entre la fuerza física y la conciencia, entre lo esternu y lo internu, entre la materia y l’espíritu, entre el mundu y el “Creador”. La sola enumaración d’esos temas, refuye a muchos pola la sua dificultá. Estos asuntos asegúran ser importantes, mas nun parecen están a manu del puebru: parecen cousas d’especialistas. Eso ye un atalancu, pa la mayor, quienes s’allegan por primeira vé a estas materias. Preséntase asina la griesca sobre’l mesmu saber filosóficu. Las razones a favor y escontra suxeridas vienen a ser estas:

A)    En contra: Depués de veinticincu siglos, la filosofía sigue ensin escanzar unos usos estenos. Sigue colas las mesmas perguntas. Estamos nel siglu XXI, épocas de continuas ordigas, de nuevos progresos tecnolóxicos. La filosofía nun parez qu’avance, pos nun ye ciencia. Entuences, pa qué ocupanos d’ella

B)    A favor: Por nun ser ciencia, por eso mesmu, precisamos la filosofía. La ciencia y la técnica esiste, tenémosla, están con nós, mas fáltanos meditar sobre la grandeza del home, el sou orixen y el sou destinu. Allá y acullá del beneficiu y l’usu d’esta, podemos pescudar ensín lliendes. El progresu material nun basta, también se demanda progresu espiritual. Agora bien, “neste siglu material y de goces”, de diñeiru, pracer y acomodu, en que “las xixas del espíritu” -la ciencia, el saber- se desenvuélven solo pa’l serviciu de la técnica y del mercáu. Asina, se detecta un vacíu d’espíritu. Mas que nunca, se requier un saber desinteresáu, la contemplación dende los tesos. Pescudemos na fin, ¿qué nos chaculla hacia’l saber? Del saber parez que solo interesa la utilidá, ou también pué qu’allumbre’l sentíu de la vida, el ser, la esistencia. ¿Qué ciencia, qué técnica propone esto últimu?