FILOSOFÍAS PREVIAS

Filosofías Previas.

Asina pos, la mesma ciencia y el progresu material replantían la necesidá de filosofar, ye dicir, dir a pescudar l’últimu porqué, la razón de todu cuanto existe. Agora bien, esa fin nun ye impracticable, nin tampouco s’escomienza de ceru, anque dalgunos lo pretendan. Seyamos ou nun conscientes d’ello, todos llegamos a la filosofía col gran númaru de conocimientos previos. Todos tenemos una ideya quicias trascordada de lo que significa una concepción filosófica de la rialidá; y de fechu, conocemos más d’una.

Vamos cavilgar tres d’estas visiones (cosmovisiones) que se alvierten y se difieren fácilmente, anguaño.

-La primeira concibe la filosofía cumo la sabiduría. Defiende la superioridá del espíritu sobre la materia, queidando la llibertá cumo señoría del home sobre las cousas. Ye criacionista, esto ye, ve’l mundo cumo la obra d’un Artífice intelixente, y al home cumo imaxen de Dious.

-La segunda ye’l materialismu “lo científicu”, agora más apregonáu y presumiblemente más cercanu a todos. Esto atópase nos medios de comunicación. Abarca una concepción pechada de la fin y lo espiritual. L’Home basta consigo mesmu, la material ye lo únicu qu’esiste y ye autosuficiente. A veces, solo le interesa lo inmediatu, prioriza el cortoplazismu y lo novedosu.

-La terceira ye’l postmodernismu. Esta visión defiende qu’arrebuscar la fin última, ye fanático, pos argumenta que toda cultura filosófica ye la consecuencia de la mentalidá d’angüañu nun grupu social y una época. Nin la intelixencia nin la materia pueden contar con un orixen absolutu, polo que nada pué facelu.

Cumo declaréi, todos nos atopamos en dalguna de las tres, y sicasi nun lo sepamos.