L'AIGLA Y L'ESCARABEYU

Estaba una llebre perseguida por una aigla, y viéndose perdida clamiú sobrizu a un escarabeyu, pa que la salvara.

Pidiú l’escarabeyu al aigla que perdonara la vida a la sua amiga. Mas l’aigla refugando al diminutu escarabeyu, devoróu a la llebre delantre suya.

Dende daquella, buscando venganza, l’escarabeyu oservaba los llugares onde l’aigla asentaba la sua niada, y aprovenchando el momentu, rodaba los güevos y escachábalos.

L’aigla viéndose derrotada, recurriú a Zeus, pidiendo seguridá pa guardar los pollicos.

Zeus guardólos nel sou regazu, acochaos pol sou amparu, mas l’escarabeyu apañóu estercor, voló y cayóulu sobre Zeus.

Este asquiáu, chacuyóse d’ascu, y escachóu tolos güevos ensin querer.

Por eso, dende entuences, las aiglas nun güeran cuando  vuelan los escarabeyos.

“Nunca refugues a naide, por débil que seya, pos nun se sabe quién puede alcanzate”

L’aigla y el milanu

Una aigla morriñosa, asentóse sobre las ramas d’un árbol en compaña d’un Milanu.

-¿Por qué –dixo’l milanu estás tan triste?

-Busco –retolicóu ella, un compañeiru buen pa mí, y nun lu atopo.

-Acéptame –replicóu’l milanu,- soi muchu más fuerte que tú.

-¿Y cumo sos capaz d’amparar la mia via con raptos?

-Bien, you a menudu apañou una avestruz, colas mias fuertes garras.

L’aigla, convencida, aceptólu de compañeiru.

Pouco depués de las nupcias, l’aigla dixou:

-Vuela y tráyeme l’avestruz que me prometiste.

El milanu volóu bien altu, y volviú con un triste ratón esfambriáu y pochu de tantu tiempu muertu.

-¿Es esta –dixo l’aigla,- cúmo cumpres la tua promesa?

El milanu refutóu:

-Por consiguir la tua rial manu,  nun hai nada que nun prometiera, anque supiera que fallaría.

“Pa quién está dicidídu alcanzar una meta deshonestamente, nun le importa engaluchar.