LA MEMORIA D’ERLANTZ.

La memoria y la historia escrebenla los vencedores.
Esa ye la nuesa canseira, los vencidos siempre aniscamos más esmolecidos por trabayar, na xeira del dia, nos enrudios sociales d’anguañu, tentando que chirrie esti sistema capitalista, qu’esqueicemos la necesidá d’apañar las historias del puebru trabayador, de tolos sous héroes, la fame, los apuros, las inxusticias, que queidan na memoria non escrita familiar y “casariega”, contada d’una xeneración a outra, qu’acaba cantusándose por analfabetismu, ou farona.
Poro ye tan importante el xemplu del llibru “Breve Memoria –historia (subjetiva) del siglo XX y .XXI”, escrebida por Erlantz Cantabrana Berrio, y espublizada por “Templando el Acero”. Porque nos fai aberruntar sobre´l nuesu antañu, de los nuesos muchos lluchadores y los sous sacrificios. Que nun debemos furar nunca.
Como bien diz l’outor, ye presonal, polo que nun debemos forzanos por estar conforme con todo, y más por aquello que nun amenta, y que pa caún, nos puede paecer más emponderau.
Arreo a todos a lleelo, pescudar la verdá y aconseyar. Y ante todo, siguir el sou modelu como batallador y escritor. Apuntando y asoleyando tolo que cuchamos, pa que nun lo censure los estoupadores, que tienen los grandes medios.
Aguardo con enfotu y deseu un nueva edición ampliada, ou un segundo tomu d’esta obra bigarda.