¿NEL SOLSTICIU, LA VIEYA'L MONTE?

N'acción 

Las tradiciones refórmanse, remodélanse.

¿Los mitos cumo s’amparan, conservándose na sua “pureza” ou se reforman?

La vieya del monte está vistu que nun yera un mitu navideñu, simpremente yera la ñagaza que tenían los padres pa que los sous fiyos comieran dalgún alimentu que normalmente nun quería ou nun le gustaba.

Baxu está excusa, el neñu animábase a comer talu ou cual cousa, pos se la diú la vieya’l monte con un llobu, que s’atopaban los padres cuando estaban nel campu, trabayando.

Esta vieya del monte, nun yera más qu’una bruxa, neste casu buena, que quería que los neños se nutrieran bien.

Lu que pasa ye, que na tradición a estos seres mitolóxicos s’amornaban con outros nomes, pseudónimos, motes que guilaban lu que yera, mas ensin declaralu. Pos estaba apurriau pol poder eclesiásticu.

Amás, las bruxas siempre se caracterizaban por ser personas mayores, solitarias, pouco agraciadas en fermosura y estragau pola edá y acompañada por un misinu ñegru, cuando non, ella mesma pola noche, salían a escondidas tresformadas en misinu ñegro, y entraban nas casas de los vecinos p’apañales dalgu que comer, ou pa cualisquier outra perrería a facer. Y siempre remanecía y esfungábase d’improvisu, de la nada.

Agora mesmu, ye una tendencia qu’está asocediendo, en muchos llugares, mas lo que conozu ya más Llión y Asturies, tentan que nun muerra la mitoloxía tradicional. Están editándose unos cuantos llibros, tanto d’estudiu cumo de divulgación, p’arrimalos a los neños, escrebiendo cuentos nos qu’apaecen los seres máxicos tradicionales con facetas más amistosas, menos perversas, cumo serían los trasgos, los reñubeiros ou las culuebras…

Con esto, lu que se cría ye una cierta polémica entre puristas que nun le gustaba esta dirección qu’estaba xurdiendu, mientras outros lu sobrizaban.