LA PERDA DE LA TIERRA

Pué parecer una contradicción, pero si se quier amparar la economía campusina, debemos fomentar la economía socialista de la propiedá.

Los campusinos siempre temerosos de perder la “tierra”, y querer defender “l’Agricultura a Títulu Principal”, siempre llucharon muchu más escontra’l socialismu qu’escontra el capitalismu, porqu’aberruntaban que yeran el ñémigu que podía apañales las suas faceiras onde trabayaban.

Mas la rialidá está amostrando, cumo este sistema capitalista yá casi acabóu col campusinau y la sua propiedá.

La revolución tecnolóxica ingresa a las faciendas agropecuarias en tolos movimientos económicos y el sou desenvolvimientu.

Por todo esto, craramente, cumo evoluciona la industria y los servicios implantando cadavé más novedades tecnolóxicas que pretenden meyorar el rendimientu, la eficiencia y la comodidá na xeira llaboral, también nun va ser menos nel campu. Eso nun lo podemos evitar, nin tampouco apurriala, pos tola historia de humanidá fuí una sucesión d’adelantos y invenciones, como la mesma existencia de l’agricultura.

Pa aprovechar todu esto, precísase de mucha inversión, dalgo que’l trabayu artesanu del campusinu nun pué permitise, y va perdiendo importancia de pesu, en cantidá de producción en tola economía.

A esto contribuye, desgraciadamente, el sistema capitalista (los capitalistas más l’Estau) usa todas estas invenciones envéde al serviciu de la sociedá, simpremente pal sou interés, polo que resulta que, la propiedá del campu está cadavé más y más atropau nunas poucas manos, nunas corporaciones. Arroñando asina, estruyendo la oportunidá d’una economía artesana d’autoabastecimientu, yá qu’el campu s’esvacía de xente, y tien que dir a vivir a ciudades más allonxadas, de más difícil accesibilidá a la tierra, tanto en distancia cumo’n posibilidá d’usu, polo qu’el llabor campusinu de la tierra está en franca decadencia.

A mayores, pa incidir más nesto, la propaganda ideolóxica del Capital pola prensa tenta buscar que los obreiros esqueicen las suas raíces culturales, y solo veyan cumo únicu ociu, el consumismu.

La economía socialista, en nengún momentu quiso acabar cola artesanía campusina agraria y ganadera, pos buscaba la convivencia de la producción tecnolóxica masiva del campu en cooperativas de trabayu ou empresas estatales pa suministrar a la ciudá, col autoabastecimientu de los sous propios campusinos-obreiros, nun minifudismu familiar y vecinal.