LA CULTURA RURAL MUSEIZADA

 

Praticamente, lu que queida de cultura rural, parez más una conservación museística que nada, ensin vitalidá, cumo si fuera’l museu etnográficu de Zamora.

Nun séi si lu conocerás, este muséu, ye d’una fundación financiada pola Xunta de Castiella y Llión, nel que se guardan oxetos, cumo si fueran rarezas, talmente desconectadas entre ellas, ensin esplicación dalguna, ou mui cuitada, inclusu na cuestión del apartau llingüistica, con abonda mala ideya y intención.

Que diferiente del muséu del puebru asturianu, qu’amuestra la vida cotidiana de la sociedá asturiana dividía por etapas hestóricas y por crases sociales, y cumo se distinguían todos estas cousas en cada época y entre cada crase social.

También se diferiencia, lu que yera la sociedá asturiana enantes y depués de la minería, d’una sociedá rural emigrante, y cumo cola minería, y la subsiguiente industria, escomienza ser tierra de acuyida d’inmigrantes.

Ye mui interesante cumo las ferramientas caseras del llar qu’usaban las capas altas diban popularizándose al pasu de los años, cola industrialización d’estos materiales.