La griesca social-laboral nun se puede plantiar d’un xeitu d’unica empresa
Craramente, la griesca social-laboral nun se
puede plantiar d’un xeitu d’unica empresa, cumo siguen pensando los sindicatos
“alternativos!” cumo CGT, que siguen cola dinámica sindical que tuvieron CCOO,
y UGT, por eso anque ellos se queixen, de que nun tienen abondo sobrizu social
pa conseguir facer lluchas con más xixa cuantitativa, demuestran nel sou dia a
dia, qu’el sou trabayu sindical anque ye más combativa nel sou discursu, mas la
sua práctica ye la mesma. ¿Hasta qué puntu pueden ser fiables? Ye la mesma
práctica, porque, nun solamente porque participen nas elecciones sindicales,
sinon también y/ou a consecuencia d’esto, nun ven la xeira llaboral y sindical
cumo llucha sectorial unida sinon individualista por empresa. L’outro dia, un
sindicalista de la CGT de Correyos, noticiaba que diban a facer paros
temporales y parciales drento d’esta empresa, porque s’estaba perdiendo calidá
de serviciu, cantidá y calidá d’emplegu, anque se daba cuenta qu’esto yera
debido a que s’estaba privatizando por omisión d’actu de la empresa, los
servicios más rentables a otras empresas de mensaxería, que tienen a
trabayadores en mui peores condiciones, cuidaba que la sua llucha por conseguir
que nun empeorase las condiciones en Correos, influía nas outras empresas
privadas del sector.
Con esta estratexia siguen no mesmu, criando
una aristocracia obreira venida a menos, frente a los outros trabayadores
privaos qu’están sumamente explotaos, envede tentar uñir fuercias pa uno nun
pierdan derechos por un llau y los outros apañen meyoras na sua situación.
Asina, amostrarían y fomentarían la conciencia social de que los ciudadanos
necesitamos un serviciu púbricu de calidá y llegue a todas partes, n’igualdá.
Griescas cumo las de los trabayadores de las diferientes
contratas y subcontratas de telefonía de Movistar, son un modelu a seguir, y
ficieron en conceyu, enseñando un sindicalismu distintu, nun novedosu, porque
siempre existiú na mente y na historia de la crase obreira, pero la querían esqueicer.
Ye verdá que nun ye fácil, de nenguna maneira arrecadar
conciencias de trabayadores de diferentes empresas, en diferentes condiciones
cumo los de mensaxería, pubricidá, etc. Que trabayan cumo “autónomos”
dependientes.
Asina se podía falar del sector servicios cumo
residencias púbricas y privadas, servicios sociales, enseñanzas, nel que los
sindicatos negocian convenios distintos pa un mesmu sector si son empresas
privadas ou pubricas.
Comentários