SOBRE L'EMPRENDIMIENTU ( I )

Sobre’l tema del emprendimientu, ye yá dalgo inventau, nada nuevu.

Simplemente’l problema vien, cuando esta palabra está mal usada, y está falseada, pa engaluchar y endroñar a los obreiros, faciéndoles creyer que sinon son empresarios con especulación, famosos y prósperos, ye porque un sirven y están onde están porque se lo merecen.

Este vése talmente nas series estadounidenses, d’estas series de baxa categoría, baratuchas, onde aparecen siempre obreiros, cumo personaxes fracasados, tontos y envidiosos, dignos de rirse d’ellos continuamente.

Eso también pasa colo campusinos,  siguen pasando, son obxetos de gayola, pero buenu, ye outro d’outro momentu.

L’emprendimientu nun ye malu en si mesmu, el problema ye qu’el capitalismu lo mandonguia pa evitar la unión ideolóxica y de conciencia de crase de los trabayadores, especialmente los obreiros. Fomentando l’individualismu, yá que amuestran una semeya d’antruexu indidualista, especulador, frente a la imaxen de fatu, que nun sabe más que trabayan en cadena, cumo un peldañu más dentro d’un bar, restaurante, comerciu, en subcontratas de subcontrata, en ETTs.

Esta manu d’obra nun sabe nin tien la xixa d’escachar todu esto, criar una negociu, y ser el sou propiu rebadán, pos tolo que se necesita pa eso, ye ideyas i iniciativa.

Esta ye la ideoloxía que nos dan.

Pero el emprendimientu, nun está mal, pos nel socialismu también existe y fomentaba esto, pa criar más productividá y lluchar escontra’l burocratismu, buscando non un beneficiu individual, sinon social.

El problema vien, cuando se quier enratar todu y criar engañifas. Ye lo qu’están consiguiendo la mucha propaganda del Capital a favor del emprendimientu. Por un llau, está’l emprendimientu social, que cria y funda individualmente proyectos de acción social, caridá, ONGs, faciendo cuidar a la xente que ye’l meyor mediu pa acabar cola pobreza y la exclusión, tentando evitar lo más posible que recaiga cualquier responsabilidá sobre los capitalistas y el sou Estau Capitalista, qu’oprime con las suas fuerzas.

Nesto esta enrodiau la fundación ASHOKA, que cadavé se siente más y más, colas suas carabas españolas banca ética FIARE y REAS.

Por outra parte, quieren enzolar tamién na ideya de que cualquier puede ser empresariu con fama, y embarcarse en negocios con nada, pero sucede, que cuando conoces los proyectos que proponen y que s’están faciendo, vése estenamente, que dependen en casi todu pa que seyan esistosos, un inversor capitalista ou un fondu de inversión financiero y l’Estau (en dalguna de las suas alministraciones) pa que esto prospere y desendolque, colo que a la final, observas que nun deixan de ser casi solamente, subcontrataciones d’una entidad capitalista mayor, y pa más chunga, cuando falan de que d`esta manera se produz riqueza, apercatas que todos estos proyectos nun son más que del sector servicios, comerciales y aplicaciones móviles, nun hai casi nengunu que plantie fabricar dalgo apalpable.

Con esto nun quiero dicir, que nun se necesiten ferramientas ou servicios que sobricen y faciliten l’alministración y comercialización de las empresas que quieran vender los sou productos, por ejemplu, pero dende estos podios de los que serponsean los curas de la economía empresarial, obvian ou quieren tapar la necesidá d’una economía d’un sector secundariu y primariu, de calidá, y que ye rialmente quieren dan riqueza. El sector terciariu, ye necesariu cumo ferramienta pa vender lo que se produz y sacar plusvalía contra los capitalistas, y asina, mui ampliamente, ensin concretar.