Esquierda Unida de Zamora desapecha las puertas, pa que vuelva'l PP al Ay-untamientu.

Agora que quieren chubir los gastos del zamoranu na ORA, deberíamos enrecordar a los conceyales de Esquierda Unida y el PSOE, que siempre dicen que quieren defender lo pubricu, agora mesmu, a la hora de la verdá, siguen fomentando la privatización d’un bien púbricu cumo son las calles.

Estamos d’alcuerdu, con que hai que alministrar l’estacionamientu, controlar el tiempo d’aparcamientu de los vehículos, pero esto nun ye necesariu facelu, obligando tener que arrendar un cachu de la calle pa poder deixar el vehículu nesta.

Simplemente, envede qu’el ciudadanu tenga que comprar una papelicu que le fuerce servise d’un espaciu, podría meramente apañar el papelicu gratuitamente, col que poder controlar cuantu tiempo tien qu’estar cumo mucho el vehículu estacionau, y si este pasa de tiempo, entuences, recibir una multa dende’l mesmu ay-untamientu, nun dende una empresa privada, pal sou propiu interés especulativu y asina dale más beneficios.

Esto nun ye nenguna novedá n’outros llugares

Mas, si estos gobernantes quieren ser diferentes a los d’enantes, ye buenu que lo pensaran y tuvieran en cuenta.