CARTA A UN AMIGO LUCHADOR MUERTO.

A finales del mes de Santamarina, nel añu 2014. Jose Manuel Martínez Rodríguez.

Hola Gorri:

Vá más d’un mes que nun séi nada de ti.

Está preocupándome muchu, pos me llegan noticias de que llevas diez días muertu.

Nun séi namás, nin cumo nin de qué xeitu.

Y vaiga, y mas, agora qu’estabas na tua tierra, cerca de Pontevedra, na Coruña.

Podían visitate la familia, anque parezme que estabas mas bien solu.

Siento que dalgo queida esqueicíu entre nós.

Polo menos un adious de felicidá de salir de la cárcel, escontra la que tantu lluchaste y cola que tantu t’enfrentaste.

Escontra esti sistema penitenciariu que nun sofita pa salir de la fuxaca, sinun pa entoñalos más.

Escontra esos boqueras torturadores, que maltratan porque se sienten fuertes y con poder de decidir sobre la tua vida y la tua muerte.

Sobre la tua salú sabía que tenías más d’una enfermedá, d’esa vida tan rastrera que fá llevar la endroga.

Son muchos años, más de veinte que estás por estas “casas” de tol Estau español, ensin delitos de sangre, sinon por ser lluchador de dreichos sociales, oservando cumo se degradan cadavé más y más los presos. Nos que yá nun hai nin una mínima solidaridá entre los presos sociales, que solo buscan muchos d’ellos las pastillas amurniadoras y metadona que suministra la cárcel a cambiu de chiflateu y zaherición.

Y nunca más, demandar dreichos de vida digna.

Yeras un presu social, mas con tantu arguyu cumo si fueras un presu políticu y maltratau cumo tal.

Serás un más anónimu lluchador.