ENSIN AMNISTÍA, NUN HAI LLIBERTAD.
Vega de Villalobos/Quintanilla del Molar |
Nun se véi nas caleyas masivamente la
reivindicación de la amnistía de los presos políticos.
Fálase de que nun hai llibertaes, dereichos y
democracia.
De que’l puebru, los puebros del Estau español
necesitan movilizase pa reconquistalos, cumo si houbiera habido realmente un
Estau democráticu dalguna vé, dende’l Franquismu, cola transición.
Siguen asimilando que’l haber unas elecciones,
hai democracia, y qu’antes d’esta crisis, yéramos llibres.
Craramente, había unas contadas llibertaes y dereichos
apañaos al sistema fascista primeiru franquista y después postfranquista de la
transición monárquica, que se fueron perdiendo rutinariamente, pero cumo había
diñeiru en circulación y crédito a esgaya, y estaba mas baixu el paru, anque
peores condiciones que años enantes, cuidábamos que vivíamos nuna democracia y
en llibertá.
Agora’l estaribel se desandamiú y finalmente
cayemos nuna verdadeira realidá.
Dicíannos que’l bloque sovieticu, que’l socialismu
“real” acabo nel 90, y que ya yéramos llibres, que la llibertá estaba con nós,
nel mundo capitalista, pos nos convencieron qu’ellos yeran l’últíma cárcel que
quedaba.
Agora, vemos qu’hai más miseria, que las cárceles
seguían y siguen engordando de pobración presa.
Que t’eichan de casa, a la puta caleya, y si
protestas ou te solidarizas col vecinu, facilmente vas acabar na cárcel y/ou
arruinau con multas impagables.
Comentários