domingo, 17 de fevereiro de 2013

LOS REVOLUCIONARIOS QUE QUIEREN ESTI PODER.


San Miguel de Lomba

En tolas elecciones que sufrimos continuamente, a traviés de la prensa burguesa, alburdecen siempre partíos políticos que prometen buscar la revolución y el socialismu, escomenzando por tomar el poder políticu establecíu na transición, y que llegando a esti, tomarían parte pola causa de los trabayadores, la ecoloxía y el feminismu. Por facer un Estau fuerte y social.
Siempre plantían un programa mui nutridu, con muchas promesas, mui completu.
Tolas estas políticas, son de un reformismu bien intencionau, polo menos esu aparentan.
Pero, qu’hai detrás.
Piensan dalgún xeitu, qué pueden cumprir colo dicen.  Cumplir
Y si quieren efectualu. ¿Van ser capaces?,¿Van deixalos los poderes del capitalismu, cumo la igresia, l’exercitu, el poder financieru estatal ou mundial, etc?
Ou nos están engaluchando.
¿Van tener abonda organización y fuerza pa defender estos compromisos, ante las posibres reacciones de los poderes fácticos, violentos, golpistas, d’asediu, d’atartallu?
¿Creyenselu ellos mesmos?
Nun sei que dicivos. Enllénanselas la boca de palabras anticapitalistas, pero finalmente solo proponen defender el pasau, d’un Estau de bienestar, decadente, conseguíu porque tamién interesaba a los capitalistas, pa la sou máximu beneficiu económicu.
Siempre, repiten, lerían que nun hai llibertaes, que la policía reprime y ataca a los trabayadores, incrusu glayan frases cumo: Llámanlu democracia y nun lo ye.
Pero ¡Ah!, cuando llega’l momentu electoral, salen avayaos pa presentase a los comicios electorales. Cuando acaban, vense una vez más, lo cuitadicos que son, pos nun tienen abondas perras pa estar na boca de la xenti, na prensa burguesa. Poucos fácenle casu.
Mas ellos, son la mandanga más crara pa los políticos de que estamos nuna democracia, pos pueden presentase los sous propios “enemigos de crase”.
Con esti xeitu, forcian sobrizar inda más el sistema que nos oprime, yá qu’amuestran un sistema políticu bondadosu, cumpríu, que da oportunidaes a tol mundu, pa expresase con llibertá.
Asina, tapan la vergoña de las cárceles con presos políticos, la illegalización de partíos, de periódicos y d’ideas. Mientras ellos confórmanse colas suas pequeiñas poltronas, y voceras.
Nun tienen futuru fuera de las Cortes, y drento, si dalgún dia entran, amostrarán una vez más que son incapaces, ou nun querrán tentar facer el socialismu comprometíu. Por muchu que critiquen a Esquierda Unida “IU”.

LOS FILÓSOFOS DE LA ÉTICA, LA MORAL CUMO CAUSA DE CRISIS DEL SISTEMA.

Cangas do Morrazo


Cadavé apaecen más, aquellos que apregonan que la causa principal de la crisis ye la falta de moral y ética de la sociedá y la crase política.
Cadavé amuéstranse más, aquellos que plantian que la humanidá, ye sólu una, indivisible, que lo qu’afecte a un, afecta todos, seya de la condición que seya.
Nestos momentos de crisis, ye un buen momentu pa la relixones, que ven cumo una ilesia católica decadente na moral, anque nun lo políticu, económicu y educativu, pos son un poder de facto, un lobby, cumo se diz agora. Quiero esto remarcalu pos está bien craru que los curas y la sua doctrina cadavé ye más minoritaria, pero’l poder fácticu que tien, cumo capitalistas, sigue siendo mui importante, tres la nueva privatización de tolos servicios educativos, social, etc que van siendo tresladaos a las suas manos.
Estas “nuevas” relixones, pouco conocías nel nuesu ámbitu, pero bien establecías nel mundu, ensiñan buenas nuevas, sobre la fin del mundu, sobre las enerxías que nos sustentan a tolos seres humanos, seres extraterrestres que nos van salvar, y están influyendo en nuesu bien, pa evitanos atropos y estropicios ecolóxicos mundiales, que acaban cola vida humana nel planeta.
Todu esto, ye mui interesante de deprender pa oservar cumo las teorías idealistas que analizan el mundu, la estructura social y económica nel que vivimos, siempre acaban intentando convencenos de qué los trabayadores semus iguales, y padecemos lo mesmu que los capitalistas.
Ye dicir, enrecordando al famosu culebrón mexicanu: “Los ricos tamién lloran”.
Qué todos semus unu.
Qué debemos uninos pal bien todos.
Eso suéname lo mesmu que dicen los nuesos funcionarios políticos del Estau, de Europa y de Estaos Uníos, que debemos sacrificanos pal bien de la humanidá, la economía, “los bancos”, etc.
Pero, quién semus los que nos sacrificamos.
Dende un estudiu materialista, ye dicir, estudiar lo que nos arrodia friamente, ensin contemplaciones, buscando las raíces de los problemas, dende un puntu de vista terrenal, social, económicu, nun máxicu. Queriendo conocer la estructura de la nuesa sociedá, las suas crases sociales, las relaciones sociales de producción, la propiedá de los medios de producción etc.
Amuéstranos, que los seres humanos nun semus iguales, anque vivamos nel mesmu planeta, nin nos influye a todos lo mesmu.
Yá que mientras nós los trabayadores nun podemos amampar de la estrucción del mediu ambiente nel que vivimos. Ellos, los capitalistas, afuyen en cuantis pueden a los sous paraísos nun solamente fiscales sinon naturales, islas tropicales etc.
Hasta que le lleguen a ellos, las consecuencias qu’el capitalismu fai cola sua actuación extractivista, contaminadora; muchos trabayadores queidamos pol caminu.
Está craru que nun semus unu.
Las guerras sufrímoslas nós. Ellos están nos sous despachos, programando la recostrucción.
Lo más qu’está padeciendo agora, nesta crisis ye que nun consiguen cumo enantes, el mesmu arrequicimientu, la máxima plusvalía, y deben y quieren apañar aquello que ye púbricu, social, de los nuesos dereichos.
Estas teorías idealistas, nun facen más que implantanos la ciega inocencia, de nun querer ver, sentir la verdá. Pos la verdá nos fai llibres. Pa actuar en consecuencia.

sábado, 9 de fevereiro de 2013

QUIÉN LO LLAMA DEMOCRACIA.




San Miguel de Lomba
Esto nun ye nenguna democracia, dicen que votemos pa después xustificar las suas políticas.
Asina lo pueden llamar democracia.
Nun nos representan.
Por muchu que diga Cayu Lara, que son diferientes, amuestran cadavé más que son sustentu del sistema. Izquierda Unida, son la semeya guapa del sistema que quier ensiñanos que hasta los que se llaman republicanos y de esquierdas pueden participar nuna monarquía tardofranquista. Y dicir que quieren la igualdá y la muda social.
Asina, quieren apaecer que nun son PSOE nin PP, que ellos son demócratas, guais, con buen rollu, porque quieren sacar a la caleya’l parlamentu.
Con esta frase, dicen muchu más que lo que parez.
Quieren llimpar la cara al parlamentu, nel que están presentes, el congresu y el senau, ferramientas d’una pantasmada electoral, pos nun pueden estar más qu’aquellos que tienen perras pa pagar propaganda electoral y a la prensa burguesa, que le rellene bien páxinas en brancu, por cada palabra que dicen.
Un congresu y senau, que nun sirve pa representar al puebru, pos nun son senadores nin diputaos del puebru, sinon del partíu, al que deben la poltrona.
Y nun contabilizan los votos en brancu, nin nulos nin abstenciones, pa deixar las muchas siellas vacias que nun debían estar cubiertas, porque naide les votú.
Y el partíos, deben a los bancos y filiales casi  todu’l dineiru que tien pa presentase a las elecciones, no séi conoz llegalmente. Qué habrá nas cuentas opacas, nos paraísos fiscales, nos sobres y despachos.
Poro nel filme ATILANO PRESIDENTE, educa con simpatía y clarencias al puebru parte de lo que ye esti sistema.
El BOICOT, siempre, y agora más que nunca, ye totalmente necesariu:
La  DESOBEDIENCIA al poder.

INDIOS


San Miguel de Lomba

Esti son yá tien bien de años, sigue cantándolo DIXEBRA, un buen grupu musical de rock comprometíu.
Ye un cantar mui anguañu, pos cuando el sistema nos quier desapartar, la realidá socioeconómica amuéstranos que todos semos trabayadores, obreiros, que dependemos de la nuesa fuerza de trabayu, pa poder vivir, y que anque vengamos de llugares llonxanos, ou naciéramos equí. A la final, todos acabemos na caleya, na cola de la beneficencia. Pidiendo ayudas pa vivir.
Porque los nuesos enemigos nun semos nós mesmos, están fuera de la nuesa crase social:
Los capitalistas y los sous funcionarios a sueldu –políticos del sistema-, sacau del nuesu sudor.
Mira cúmo se ve cadavé meyor, qu’estamos nun sistema monopolista d’una oligarquía financiera bancaria, que mandonguia todu al sou caprichu y necesidaes.
Nun les importa quien se queide pol caminu, excluidu.
Pos todu lo suyu debe ser satisfechu.
Ye interesante ver, cumo mucho empresarios, con muchas perras y que tenían trabayadores al sou cargu, están totalmente arruinaos.
A todos nos puede cayer la llouxa.

SOBRE LAS VÍCTIMAS SUICIDAS.



San Miguel de Lomba
Cada pouco tiempu se siente cumo muerre una persona que se suicida por culpa del embargo que va sofrir tres nun poder pagar la hipoteca. Un bancu que tien tolas las bendiciones, sobrizos del papa Estau y de la Unión Europea.l
Nesi momentu, craramente cuando véi llegar el dia, y siente cumo suben las escaleras las fuerzas de represión, ye mui fácil perecer.
Mas cuando, esta persona que puede ser cualisquiera de nós, nunca tuvo problemas de trabayu, siempre tuvu xeira, siempre llegaba a casa con unas buenas perras, pos fácilmente dedicábase a un oficiu muchos, muchos años, del que nunca despidieron, nin nos malos momentos.
Seguramente, podía ser considerau un empresariu, pequeiñu incrusu, asina nos lo leria continuamente la prensa burguesa, y el creyíaselu.
Pasóu por muchas outras crisis, pero atropóulu conel pié descolocau, con una hipoteca que siempre pudo pagar.
Eicharonlu a la caleya, ou escomenzóu a nun ser chamau, él que siempre fui un reputau profesional, almirau, yá naide lu quería, yá naide lu chamaba. Tolas mañanas, llevantábase ensin ganas de la cama, qué diba facer huei.
Nun vía presente nin futuru.
Cuidaba que todu esto yera provisional, que diba durar poucu, pero estaba tardando muchu, muchu más de lo que pensaba.
El siempre defendía esti sistema, yera un buen ciudadanu, votaba tolos años. Esta democracia a pesar de los sous fallos tenía mucho valor. Daba llibertá, una economía de mercau nel todos podían conseguir los sous sueños, prosperar, ameyorar. Estabamos nun sistema de oportunidaes.
Todo esto sigue creyéndolu, naide cumo él, con capacidá, ganas, trabayador, lluchador puede queidáse tirau. Sólu nun tienen emplegu, lo que nun quieren trabayar, qué hai muchos vagos, inmigrantes, maleantes, apañasubvenciones que viven de los nuesos impuestos y gitanos.
El nun ye nada d’eso, pero porqué le pasa todu esto.
Muchas noches ensin dormir.
Tolos días avisos de los bancos, cadavé con peores modales.
Y el yá nun puede más.
Cadavé están más cerca. Esos que tanto defendía, xustificaba  y  aseguraba que nun torturaba, seique podían dirsele dalgo de las manos, pero nadamás, cuando facían el sou trabayu, son los que van tiralu de la sua propia casa, depués de tantos años. Van uniformaos, con cascos, porras, armas.
El que nunca fizo nada. Nun ye un terrorista. Ye una persona decente.
Qué vergoña.
Qué van pensar los vecinos.
Yá nada tien sentíu, nin salida.
Yá sólu ye una númaru más, nas estadísticas. Una noticia más pa los mortorios y los sucedíos.
La pergunta ye: son suicidas o rialmente suicidas.