LOS AFUYIOS POLÍTICOS EMPUNTIAN LA REPÚBLICA

Nun faltaron de haber afuyíos políticos, mas agora, yá los tenemos bien famosos, que dan muchu que dicir n’Europa dende Bélxica, y qu’avergoñan al facismu impuestu dende 1936 y que continuú cola constitución del 78.

Nunca esqueicemos que siempre hubo esculaos pola represión franquista, muertos desconocíos nas paredes de los cimiterios, fuecas ensin identificar, neños perdíos y apañaos. Cumo consecuencia, los familiares y amigos queidaron pa sofrir y padecer l’apapización, el zapatíu de los vencedores del golpe d’Estau, que siguen teniendo los sous nomes nas caleyas, nas ilesias y monolitos nas carreteras, pa la zurribamba púbrica, y que naide esqueice quien mandóu y sigue mandando nel Estau.