LA REALIDAD YE CALAMUEDRA





El materialismo históricu y dialécticu nun está muertu, sigue cadavé más vivu, pos está amostrando la realidá diaría qu’está al nuesu alredor.
Esta filosofía conectada, uñida cola ciencia, desarredada de la mitoloxía, ñemiga del idealismu, y más concretamente de los clericalismos. Quier conocer la verdá cumo dalgo oxetivu, que nun muda de nengún modu, anque varíe de receptor.
El materialismu siempre fui perseguido pol poder, que le interesaba imponer y esperriar l’idealismu entre las crases populares trabayadores pa sometelas a la inorancia, y asina dominalas, pos mientras creyan qu’el mundu y la realidá ye tal cumo lo criú un ente sobrenatural, nun insistirán en pescudar.
Pos el mayor miedu que tienen los poderosos, ye que los trabayadores quieran aberruntar, quieran saber cumo furrula la humanidá, la naturaleza.
El conocer, nun ye una actividá estática, cumo si la materia nun pudiera mudar cuando se mudan las formas, el tiempu, la enerxía, nel procesu evolutivu, na dialéctica entre los factores externos y internos, también puede mudar cuando los aparatos de investigación van perfeccionándose, y sobrizan la facilidá de cuciar.
Pal idealismu, ye más fácil enzolar a la xente, pedricar ideyas, enrevelaciones que fagan a los trabayadores pasivos contra los sucedíos naturales, históricos, sociales que se desendolcan, cumo si nun hubiera causas cercanas, responsables, entendibles.
Anque la realidá, ye modorra, y amuestra que anque nun solo de pan vive l’home,  ensin pan nun hai vida, por muchu que nos quieran engaluchar con que l’ente superior, el destinu entregará.

Comentários

Mensagens populares